اسلامی سال کے آخری نماز جمعہ کی ادائیگی کے لیے لاکھوں افراد کی حرمین شریفین آمد

ویب ڈیسک

15th Jul, 2023. 04:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسلامی سال کے آخری نماز جمعہ کی ادائیگی کے لیے لاکھوں افراد کی حرمین شریفین آمد

مکہ مکرمہ: اسلامی سال 1444 ہجری کے آخری نماز جمعہ کی ادائیگی کے لیے لاکھوں افراد حرمین شریفین پہنچ گئے ہیں۔

غیر ملکی خبر رساں ادارے کی رپورٹ کے مطابق اسلامی سال 1444ہجری کے آخری جمعہ میں مسجد الحرام اور مسجد نبوی ﷺ میں حجاج سمیت لاکھوں فرزندان توحید نے نماز جمعہ ادا کی ہے۔

حرمین شریفین انتظامیہ کے ترجمان ھانی حیدر کا بیان میں کہنا ہے کہ 1444 ہجری کے آخری جمعہ کے لیے سیکورٹی سمیت خصوصی انتظامات کیے گئے تھے۔

انہوں نے بتایا کہ آنے جانے کے دروازے نمازیوں کے لیے کھول دیے گئے تھے اور الیکٹرانک زینوں سے نمازیوں کو مختلف منزلوں تک پہنچانے کے لیے انتظام کیا گیا تھا۔ اس موقع پر مسجد الحرام کی تمام منزلیں نمازیوں سے بھر گئی تھیں۔

ترجمان کا مزید کہنا تھا کہ نمازیوں کو آلودگی سے محفوظ رکھنے کے لیے 11 اسمارٹ روبوٹس نے جراثیم کش دواؤں کا چھڑکاؤ کیا جب کہ موسم خوشگوار رکھنے کے لیے پانی کی پھوار کا بھی بندوبست کیا گیا تھا۔