اقوام متحدہ کی سیکیورٹی کونسل  نے باجوڑ دھماکے کی شدید مذمت کی ہے۔

اقوام متحدہ کی سیکیورٹی کونسل  کے اعلامیے میں   ہر قسم اور شکل کی دہشتگردی عالمی امن کے لیے  سنگین خطرہ قرار دیا گیا۔

سیکیورٹی کونسل  نے حکومت پاکستان اور جاں بحق افراد کے اہل خانہ سے تعزیت کا اظہار کیا۔

سیکیورٹی کونسل اعلامیے میں کہا گیا کہ  دھماکے میں زخمی ہونے والے افراد کی جلد صحتیابی کے لیے دعاگو ہیں۔ واقعے میں ملوث تمام کرداروں، مالی معاونوں اور سہولت کاروں کو جلد از جلد انصاف کے کٹہرے میں کھڑا کرنا چاہیے۔

سیکیورٹی کونسل  نے تمام متعلقہ  ممالک سے باجوڑ واقعے کے مجرمان کے خلاف فیصلہ کن کارروائی کرنے پر زور دیتے ہوئے کہا کہ  تمام متعلقہ ممالک بین الاقوامی قوانین اور سلامتی کونسل کی قراردادوں کے تحت اپنی ذمہ داریوں کے مطابق مجرمان کو کیفر کردار تک پہنچانے میں حکومت پاکستان کے ساتھ تعاون کریں۔

سیکیورٹی کونسل  اعلامیے میں مزید کہا گیا کہ دہشتگردی کی کوئی بھی کارروائی مجرمانہ، بلاجواز اور قابل مذمت ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں