بھارتی حکومت نے یورپ سے تعلق رکھنے والی انسانی حقوق کی کارکن اور معروف وکیل ایلینا کاہلے کو ویزا دینے سے انکار کردیا ہے۔

غیر ملکی میڈیا رپورٹس کے مطابق الینا کاہلے پیرس میں قائم ایک فاؤنڈیشن دی لندن اسٹوری کے لیے ایڈوکیسی آفیسر کے طور پر کام کرتی ہیں جو انسانی حقوق کی پامالیوں اورخلاف ورزیوں کی تحقیقات کرتی ہے۔

رپورٹس کے مطابق یہ فاؤنڈیشن غلط معلومات، نفرت انگیز تقاریر اور آن لائن پروپیگنڈے پر خصوصی توجہ دیتی ہے۔

الینا کاہلے نے سوشل میڈیا پر پوسٹ میں کہا کہ بھارتی حکومت نے ان کی سیاحتی ویزے کی درخواست کو مسترد کردیا ہے کیونکہ وہ محکموم اور متاثرہ لوگوں کے انسانی حقوق کے لیے آواز بلند کرتی ہیں۔

انہوں نے کہا کہ 8سال پہلے وہ بھارت کا دورہ کرچکی ہیں تاہم اب انہیں معلوم ہوگیا ہے کہ انہیں دوبارہ وہاں جانے کی اجازت نہیں ہے۔

انہوں نے مودی حکومت کے اس اقدام پر گہرے دکھ اور افسوس کا اظہار کرتے ہوئے کہا کہ وہ جانتی ہیں کہ بہت سے دوسرے لوگوں کو ان کی انسانی حقوق کیلئے سرگرمیوں کی وجہ سے بھارت میں داخلے کی اجازت نہیں ہے۔

تاہم انہوں نے کہا کہ وہ اس معاملے پر بالکل بھی خاموش نہیں رہیں گی، جس طرح میں ان 22 بھارتی صحافیوں کے بارے میں خاموش رہنے سے انکار کرتی ہوں جنہیں ملک چھوڑنے کی اجازت نہیں ہے۔

واضح رہے کہ بھارت میں اقلیتوں پر جاری مظالم اور انسانی حقوق کی دیگر خلاف ورزیوں کی پردہ پوشی کرنے کے لیے مودی حکومت نے یہ اقدام اٹھایا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں