سعودی فرمانروا شاہ سلمان بن عبدالعزیز کی زیر صدارت کابینہ کے اجلاس میں الشیخ ڈاکٹر عبدالرحمان السدیس کو مسجد الحرام اور مسجد نبویؐ کی انتظامی امور کا سربراہ مقرر کردیا گیا ہے جن کا منصب ایک وزیر کے عہدے کے مطابق ہوگا۔

سعودی فرمانروا شاہ سلمان بن عبدالعزیز کی زیر صدارت ہونے والے اجلاس میں ولی عہد شہزادہ محمد بن سلمان اور دیگر وزراء شریک تھے۔

اجلاس میں امام کعبہ ڈاکٹر عبدالرحمان السدیس کو حرمین شریفین انتظامی امور کا سربراہ بنانے کی منظوری دی اور ان کے منصب کو وزیر کے عہدے کے حوالے سے منظوری دی گئی۔

کابینہ کے اجلاس میں سعودی کابینہ نے مسجد الحرام و مسجد نبویؐ کی مذہبی امور کی پریذیڈنسی کے نام سے دو نئے خودمختار اداروں کے قیام کا فیصلہ کیا ہے۔

مسجد الحرام اور مسجد نبویؐ مذہبی امور پریذیڈنسی کے نام سے خودمختار ادارہ انتظامی اعتبار سے براہ راست بادشاہ  کے ماتحت ہوگا۔

حرمین شریفین میں آئمہ اور موذن  کے امور کی نگرانی اور دونوں مساجد میں مذہبی امور سے متعلق تمام معاملات، اختیارات اور فرائض نئے ادارے کو منتقل ہوجائیں گے۔

دوسری جانب وزیر حج وعمرہ ڈاکٹر توفیق الربیعہ کو مسجد الحرام اور مسجد نبوی کے امور کے لیے جنرل اتھارٹی کے بورڈ آف ڈائریکٹرز کا چیئرمین مقرر کیا گیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں