پاکستان کی یوم آزادی کے موقع پر مقبوضہ کشمیر میں پوسٹر چسپاں کیے گئے ہیں جس میں پاکستانی عوام اور حکومت کو یوم آزادی کی مبارک باد پیش کی گئی ہے۔

کشمیر میڈیا سروس کی رپورٹ کے مطابق مقبوضہ کشمیر میں بھارتی فوجیوں اور پولیس اہلکاروں کی بھارتی تعداد میں تعیناتی اور سی سی ٹی وی کیمروں کی نگرانی کے باوجود سری نگر سمیت دیگر علاقوں میں پاکستان کی یوم آزادی کے پوسٹر چسپاں کیے گئے ہیں۔

پوسٹروں میں مقبوضہ کشمیر کی عوام کی جانب سے پاکستانی حکومت اور عوام کو پاکستان کی 76 ویں یوم آزادی کی مبارکباد پیش کی گئی ہے۔

رپورٹ کے مطابق پوسٹروں میں کہا گیا ہے کہ تنازعہ کشمیر تقسیم برصغیر کا نامکمل ایجنڈا ہے اورپاکستان کشمیریوں کے حق خودارادیت کا علمبردار ہے۔

پوسٹروں میں یہ بھی کہا گیا ہے کہ تنازعہ کشمیر کو جموں و کشمیر کے عوام کی امنگوں اور اقوام متحدہ کی قراردادوں کے مطابق حل کیے بغیر خطے میں پائیدار امن قائم نہیں ہوسکتا۔

پوسٹروں میں مزید کہا گیا کہ پاکستان اللہ تعالی کا ایک قیمتی تحفہ ہے، کشمیری اپنے آپ کو اس ملک کا حصہ سمجھتے ہیں اور جموں و کشمیر کو بھارت کے غیر قانونی قبضے سے آزاد کرانے اور پاکستان کے ساتھ اس کاالحاق کرانے کے لیے جدوجہد کر رہے ہیں۔

جموں و کشمیر پولیٹیکل ریزسٹنس موومنٹ نے پاکستانی پرچم کے ساتھ پوسٹر ستونوں، بجلی کے کھمبوں اور دیواروں پر چسپاں کیے گئے ہیں۔

واضح رہے کہ پوسٹروں میں کشمیری مزاحمتی رہنماؤں مسرت عالم بٹ، میر واعظ عمر فاروق، شبیر احمد شاہ، آسیہ اندرابی، نعیم احمد خان، مشتاق الاسلام اور دیگر نظر بند رہنماؤں کی تصاویر موجود ہیں۔

علاوہ ازیں پوسٹروں میں قائد اعظم محمد علی جناح، علامہ اقبال اور آرمی چیف جنرل سید عاصم منیر کی تصاویر موجود ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں