بھارتی شہر پونے اور ناسک میں ’’پاکستان زندہ باد‘‘ کا نعرہ لگانے والے 3 مسلمانوں کو گرفتار کرلیا گیا ہے۔

بھارتی میڈیا رپورٹس کے مطابق پولیس نے 14 اگست کو پاکستان کے یوم آزادی کے موقع پر پونے کے علاقے کونڈوا میں دو مسلمانوں اکبر نداف اور توقیر کو ’’پاکستان زندہ باد‘‘ کا نعرہ لگانے پر گرفتار کیا گیا ہے۔

دوسری جانب 15 اگست کو ناسک شہر سے تقریباً 60 کلومیٹر دور چاندواڑ ٹول پلازہ پر یوم آزادی کی ایک تقریب منعقد کی گئی جس میں ٹول پلازہ کے ایک ملازم 25 سالہ شاداب شفقت قریشی نے ’’پاکستان زندہ باد‘‘ کے نعرے لگانے شروع کردیے۔

ٹول پلازہ کے منیجر نے اس کی شکایت پولیس کے پاس درج کرائی جس کے بعد شاداب قریشی کے خلاف مقدمہ درج کرکے اسے گرفتار کرلیا گیا۔

میڈیا رپورٹس کے مطابق گزشتہ روز شہر میں ہندوتوا کارکنوں نے شاداب قریشی کے خلاف ملک سے غداری کا مقدمہ درج کرنے کے لیے ایک احتجاجی مارچ کیا۔

سپرنٹنڈنٹ پولیس شاہ جی اماپ کے مطابق پولیس واقعے کی تفتیش کررہی ہے اور شہر میں امن و امان کی صورت حال برقرار رکھنے کیلئے اضافی پولیس فورس بھی طلب کی گئی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں