امریکی ریاست کیلیفورنیا میں جنگل کی آگ کو بجھانے والے ہیلی کاپٹروں میں تصادم ہوگیا ہے جس کے نتیجے میں 3 افراد ہلاک ہوگئے۔

غیر ملکی خبر رساں ادارے کی رپورٹ کے مطابق کیلیفورنیا کے جنگل میں لگی آگ کو بجھانے والا ہیلی کاپٹر دوسرے ہیلی کاپٹر سے ٹکرا گیا ہے جس کے نتیجے میں 3 افراد ہلاک ہوئے ہیں۔

حکام کا کہنا ہے کہ ہیلی کاپٹر جنگل میں لگی آگ کو بجھارہا تھا کہ دوسرے ہیلی کاپٹر سے ٹکرا کر ایک پہاڑی پر گر کر تباہ ہوگیا جب کہ دوسرا ہیلی کاپٹر بحفاظت لینڈنگ کرنے میں کامیاب رہا ہے۔

کیل فائر سدرن ریجن کے سربراہ ڈیوڈ فلچر نے میڈیا کو بتایا کہ اتوار کی شام لاس اینجلس سے 85 میل (137 کلو میٹر) مشرق میں واقع قصبے کابازون میں بھڑکنے والی آگ سے لڑنے کے لیے ہیلی کاپٹروں کو روانہ کیا گیا تھا جو درمیان میں ہی ہوا میں ٹکرا گئے۔

انہوں نے بتایا کہ بدقسمتی سے ایک ہیلی کاپٹر گر کر تباہ ہوگیا جس میں سوار تینوں ارکان ہلاک ہوگئے ہیں جب کہ ہلاک ہونے والے والوں میں کیل فائر ڈویژن کے چیف، کیل فائر کے فائر کیپٹن اور پائلٹ شامل تھے۔

انہوں نے مرنے والوں کے اہل خانہ سے تعزیت کا اظہار کرتے ہوئے مزید کہا کہ ’’ہم نے تین عظیم افراد کو کھودیا ہے‘‘۔

حکام کے مطابق کیبازون میں لگنے والی آگ 1.2 ہیکٹرز تک پھیل چکی ہے جب کہ نیشنل ٹرانسپورٹیشن سیفٹی بورڈ نے حادثے کی تحقیقات شروع کردی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں