بنگلادیش میں قرآن پاک کی بے حرمتی کے خلاف ہزاروں افراد سڑکوں پر نکل آئے ہیں۔

پولیس کے مطابق بنگلادیش میں درجنوں قرآن پاک کی بے حرمتی کے خلاف ہزاروں افراد نے مشتعل مظاہرے کیے جس کے نتیجے میں متعدد اہلکار زخمی ہوئے ہیں۔

پولیس اہلکار کا کہنا ہے کہ اتوار اور پیر کی درمیانی شب 10 ہزار کے قریب افراد نے قرآن پاک کی بے حرمتی کرنے کے الزام میں دو افراد پر حملہ کردیا تھا جس کے بعد پولیس نے انہیں منتشر کرنے کے لیے ربڑ کی گولیاں چلائیں اور آنسو گیس کا استعمال کیا۔

ایک اور پولیس اہلکار نے بتایا کہ جھڑپوں کے دوران کم از کم 14 افراد زخمی ہوئے ہیں تاہم مظاہرین کے زخمی ہونے کی تفصیلات ابھی سامنے آئی ہیں۔

میڈیا رپورٹس کے مطابق قرآن پاک کی بے حرمتی کے الزام میں دو افراد کو شمال مشرقی شہر سلہٹ سے گرفتار کیا گیا تھا جو بنگلادیش کے انتہائی قدامت پسند علاقوں میں سے ایک ہے۔

واضح رہے کہ بنگلا دیش کی آبادی 170 ملین کے قریب ہے جن میں سے 90 فیصد مسلمان جب کہ باقی بڑی تعداد میں ہندو اور عیسائی آباد ہیں۔

یاد رہے کہ گزشتہ ماہ سویڈن اور ڈنمارک میں قرآن پاک کی بے حرمتی کے بعد مسلم ممالک میں شدید احتجاج ریکارڈ کیا گیا تھا جس کے بعد دونوں ممالک نے بے حرمتی کی مذمت کی تھی تاہم انہوں نے آزادی اظہار اور اجتماع سے متعلق اپنے قوانین کو برقرار رکھا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں