بھارت میں حزب مخالف رہنما راہول گاندھی کی سزا معطل

ویب ڈیسک

04th Aug, 2023. 07:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت میں حزب مخالف رہنما راہول گاندھی کی سزا معطل

بھارتی سپریم کورٹ نے حزب مخالف رہنما راہول گاندھی کی دو سالہ سزا کو معطل کردیا ہے۔

بھارتی میڈیا کے مطابق سپریم کورٹ نے اپوزیشن جماعت کانگریس کے رہنما راہول گاندھی کو بڑا ریلیف دیتے ہوئے ہتک عزت کے مقدمے میں ان کی دوسال کی سزا معطل کرنے کا حکم سنا دیا ہے۔

بھارتی سپریم کورٹ کا کہنا تھا کہ راہول گاندھی کو سنائی گئی سزا کے لیے ٹرائل جج کی جانب سے فراہم کردہ جواز ہتک عزت کے مقدمے میں 2 سال کی سزا سنانے کیلئے ناکافی ہیں۔

سپریم کورٹ نے کہا کہ جب تک راہول گاندھی کی اپیل زیر التوا ہے، ان کی سزا معطل رہے گی جب کہ ساتھ ہی سپریم کورٹ نے کانگریس رہنما کو آئندہ ایسے بیانات سے گریز اور الفاظ کے چناؤ میں احتیاط برتنے کی تنبیہ کردی ہے۔

یہ بھی پڑھیں: مودی کو چور کہنے پر راہول گاندھی کو دو سال کی جیل

سزا معطلی کے بعد راہول گاندھی کی پارلیمانی رکنیت بحال ہوجائے گی اور وہ اگلے سال ہونے والے انتخابات میں بھی حصہ لے سکیں گے۔

واضح رہے کہ گجرات کی ٹرائل کورٹ نے مارچ میں ہتک عزت کے مقدمے میں راہول گاندھی کو 2 سال قید کی سزا سنائی تھی جب کہ گجرات ہائی کورٹ نے بھی ان کی سزا کو برقرار رکھا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں