بھارتی ملٹری انٹیلی جنس کے کرنل نے اپنی ہی فوج کو اربوں روپے کا چونا لگا دیا۔

بھارتی میڈیا کی رپورٹ کے مطابق  بھارتی فوج میں ایک کے بعد ایک کرپشن اسکینڈل سامنے آنے لگا۔

ذرائع کا کہنا ہے کہ کرنل نے جعلی دستخطوں اور رسیدوں کے ذریعے تین برسوں میں 6 ارب سے زائد کی کرپشن کی۔ مئی 2019 سے مارچ 2021 تک سرکاری فرائض کی انجام دہی کے  لیے ڈیڑھ سو سے زائد سویلین گاڑیوں کو صرف کاغذات پر کرائے پر لیا۔

چار کور انٹیلی جنس یونٹ کے کمانڈنگ آفیسر نے گاڑیوں کی ہائرنگ کے لیے پاکستان کے خلاف جاسوسی کو بہانہ بنایا۔

خود پر الزام لگنے پر بھارتی فوج کا کرنل اپنی ہی فوج پر پھٹ پڑا۔

کمانڈنگ آفیسر چار کور انٹیلی جنس یونٹ نے الزام لگایا کہ کرائے پر لی گئی گاڑیاں کور ہیڈ کوارٹرز میں موجود افسران ذاتی مقاصد کے لیے استعمال کرتے تھے۔

بڑے پیمانے پر کرپشن کا انکشاف ہونے پر بھارتی ہائی کمان میں کھلبلی مچ گئی۔

ابتدائی انکوائری رپورٹ  میں یہ بات سامنے آئی ہے کہ پاکستان کے خلاف جاسوسی کو ہتھیار بنا کر بھارتی فوج میں وسیع پیمانے پر کرپشن جاری ہے۔ پاکستان کا نام آتے ہی آنکھیں بند اور خزانے کا منہ کھل جاتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں