بھارتی لکھاری اور تجزیہ نگار اروندھتی رائے نے جی ٹوئنٹی اجلاس کے حوالے سے مودی سرکار کو آڑے ہاتھوں لے لیا۔

بھارتی میڈیا کی رپورٹ کے مطابق  مودی کی پالیسیوں کے خلاف بھارت کی اپنی باشعور عوام بغاوت پر اتر آئی، جی ٹوئنٹی اجلاس کے مخفی حقائق پر اروندھتی رائے کی چشم کشا رپورٹ منظر عام پر آگئی۔

اروندھتی رائے نے اپنی رپورٹ میں لکھا کہ  بائیڈن، میکرون اور دوسری عالمی شخصیات جو اجلاس میں جمہوریت کا راگ الاپ رہی تھیں انہیں اچھے سے معلوم ہے کہ بھارت میں کیا ہو رہا ہے۔

اجلاس کے شرکاء کو معلوم ہے کہ نام نہاد جمہوریت کی دعویدار بھارتی ریاست میں مسلمانوں کا قتل عام کیا جا رہا ہے۔

اجلاس میں شریک شخصیات کو مسلمانوں پر ہونے والے مظالم خصوصاً مسلم اکثریتی علاقوں میں ہندوؤں کی نجکاری کے گھناؤنے کردار کی بھی خبر ہے۔

جی ٹوئنٹی اجلاس میں شریک جمہوریت کے علمبردار جانتے ہیں کہ کون سی نام نہاد مذہبی جماعتوں کے زیر اثر بھارت میں مسلمانوں پر عرصہ حیات تنگ کیا جا رہا ہے۔

اروندھتی رائے نے واضح اشارہ دیا کہ کس طرح انتہا پسند تنظیمیں للکارتے ہوئے مسلمان خواتین کی عصمت دری کا مطالبہ کرتے ہیں۔

اروندھتی رائے نے پر زور مذمتی لہجے میں کہا کہ اجلاس میں شریک منافقانہ طرز اپنائے افراد بھارت میں ہونے والے مظالم سے باخبر ہیں۔

انہوں نے مزید لکھا کہ  مودی کا ہندوستان تاریخ کے نازک ترین دور سے گزر رہا ہے۔یہ حقیقت انتہائی مضحکہ خیز ہے کہ 1.4 بلین آبادی والے ملک کی جمہوری پالیسی انتہائی ناقص ہے۔

اروندھتی  رائے نے مودی کی پالیسیوں کو فاشزم کا نام دیتے ہوئے کہا کہ اگر دنیا کو یہ لگتا ہے کہ اس نام نہاد جمہوری ریاست کے غیر انسانی اور غیر منصفانہ فیصلوں سے دنیا کو فرق نہیں پڑے گا تو یہ بالکل غلط ہے۔

اروندھتی رائے نے جی ٹوئنٹی اجلاس میں شرکت کرنے والے عالمی اقوام کے سربراہان کو جھنجھوڑتے ہوئے کہا کہ دیکھیں آپ لوگ کس کی حمایت میں  بھارت آئے ہیں۔ نام نہاد جمہوریت پرستوں کا یہ رویہ بہت خطرناک ہے جس کے اثرات صرف بھارت تک نہیں بلکہ دور تک جائیں گے۔

انہوں نے کہا کہ ہمیں یہاں کسی سے توقعات نہیں کہ وہ ان معاملات کی سنگینی کو سمجھے گا کیونکہ ان لوگوں کی آنکھوں پر ڈالر کی پٹی بندھی ہے۔

اروندھتی رائے نے خبردار کیا کہ انہی حالات میں ملک جلد افراتفری کا شکار ہوگا پھر ملین ڈالرز کی ڈیل بھی ان کے کچھ کام نہ آئے گی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں