اقوام متحدہ کے انسانی حقوق کے سربراہ وولکر ترک نے بھارت کو خبردار کرتے ہوئے کہا کہ بھارت عدم برداشت، نفرت انگیز تقاریر، مذہبی انتہا پسندی اور امتیازی سلوک سے نمٹتے کے لیے اپنی کوششیں تیز کرے۔

کشمیر میڈیا سروس کی رپورٹ کے مطابق پیر کوعالمی ادارے کی انسانی حقوق کونسل کے 54 ویں اجلاس کی افتتاحی تقریب ہوئی۔

افتتاحی تقریب سے خطاب کرتے ہوئے وولکر ترک نے کہا کہ بھارت سے مطالبہ کیا کہ وہ عدم برداشت، نفرت انگیز تقاریر، مذہبی انتہا پسندی اور امتیازی سلوک سے نمٹتے اور تمام اقلیتوں کے حقوق کو برقرار رکھنے کے لئے اپنی کوششیں تیز کرے۔

انہوں نے ہریانہ اور منی پور میں تشدد سمیت خاص طور پر بھارت میں انسانی حقوق کی صورتحال کو اجاگر کیا۔

اقوام متحدہ کے انسانی حقوق کے کمشنر نے کہا کہ ان کے دفتر کو اکثر معلومات ملتی ہیں کہ بھارت میں پسماندہ اقلیتی برادریوں کو تشدد اور امتیازی سلوک کا نشانہ بنایا جارہا ہے۔

انہوں نے حال ہی میں ہریانہ اور گروگرام میں پیش آنے والے واقعات کا حوالہ دیتے ہوئے کہا کہ مسلمان اکثر ایسے حملوں کا نشانہ بنتے ہیں۔

بعد ازاں وولکرترک نے شمال مشرقی ریاست منی پورکا ذکر کرتے ہوئے کہا کہ وہاں دو کمیونٹیز مئی سے ایک دوسرے کے خلاف پرتشدد کارروائیاں کررہی ہیں جہاں ابھی تک 200 سے زائد افراد ہلاک اور 70 ہزار سے زیادہ لوگ بے گھر ہوچکے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں