کانگریس رہنماؤں نے جی ٹوئنٹی اجلاس  پر مودی کو آڑے ہاتھوں  لے لیا۔

بھارتی میڈیا کے مطابق جی ٹوئنٹی اجلاس کے منعقد ہونے کے چند گھنٹوں بعد کانگریس رہنماؤں نے اتفاق رائے سے تفصیلی طور پر مسودہ جاری کیا۔

مسودے میں مودی حکومت کو شدید تنقید کا نشانہ بنایا گیا۔

کانگریس لیڈر مسٹر رامیش نے کہا کہ  مودی سرکار نفرت انگیز تقاریر،ٹارگٹ کلنگ اور مقدس مقامات پر حملوں پر خاموش رہی۔ مودی کی پارٹی نے ہریانہ اور اتراکھنڈ جیسی ریاستوں میں منظم پولرائزیشن مہم چلاتے ہوئے ملک کے سماجی تانے بانے کو سبوتاژ کیا۔

مسٹر رامیش کا کہنا تھا کہ  وزیر اعظم نریندر مودی کی سمٹ میں ماحولیاتی تحفظ پر گفتگو ان کے اقدامات کے برعکس اور متصادم تھی۔

کانگرس لیڈر نے مودی حکومت پر ہندوستان کے ماحولیاتی تحفظات کو مکمل طور پر ختم کرنے کا الزام لگاتے ہوئے کہا کہ   مودی حکومت نے جنگلات پر انحصار کرنے والی کمزور برادریوں جیسے آدیواسیوں کے حقوق بھی چھینے ہیں۔

ان کا مزید کہنا تھا کہ  جی ٹوئنٹی اور عالمی سطح پر دیگر سربراہی اجلاسوں میں وزیر اعظم کے بیانات سراسر منافقت پر مبنی ہیں۔ ماحولیاتی تحفظ کی بات کرنے والا مودی بذاتِ خود ہندوستان کے جنگلات اور حیاتیاتی تنوع کے تحفظات کی تباہی کا ذمہ دار ہے۔

منیش تیواری  نے سوال اٹھایا کہ  جی  ٹوئنٹی اجلاس میں مودی نے یوکرین کے خلاف جارحیت کی واضح طور پر مذمت کیوں نہیں کی۔

ساشی تھرور نے اس سمٹ کو مودی کے اگلے انتخابات میں کامیابی کا ایک مہرہ قرار دیا۔

دوسری جانب ایمنسٹی انٹرنیشنل نے کہا کہ  مودی حکومت جی ٹوئنٹی اجلاس کو اثاثے کے طور پر استعمال کرے گی۔

خلیجی نیوز چینل الجزیرہ  نے تبصرہ کیا کہ  جی ٹوئنٹی اجلاس دراصل مودی  کے انتخابات میں کامیابی کے لیے ہتھکنڈا ہے۔

فرانسیسی صدر میکرون اور دیگر یورپی صدور نے کہا کہ  بھارت جی ٹوئنٹی اجلاس میں رکن ممالک کے بیچ کشیدگی اور تلخی کو ختم کرنے میں ناکام رہا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں