امریکی اخبار واشنگٹن پوسٹ نے مودی سرکار سے متعلق شرمناک انکشافات کردیے۔

امریکی اخبار واشنگٹن پوسٹکی رپورٹ کے مطابق مودی نے انتخابات جیتنے کے لیے بھارتی جمہوریت کو ہی داؤ پر لگا دیا۔

رپورٹ میں کہا گیا کہ بی جے پی سوشل میڈیا پر مسلمان مخالف پروپیگنڈا کر کے انتہا پسند ہندؤوں کی حمایت حاصل کرتی ہے۔ مسلمانوں سے متعلق ہندؤوں کو قتل کرنے، لڑکیوں سے جبری شادی اور مذہب تبدیلی کی جھوٹی خبریں پھیلائی جاتی ہیں۔

مودی کی جماعت بی جے پی مسلمانوں کے خلاف پیغام جاری کرکے کہتی ہے کہ اگر بی جے پی کو ووٹ دو گے تو آپ کے بچے اور ہندو محفوظ رہیں گے۔

رپورٹ میں مزید کہا گیا کہ بی جے پی کا صرف انتخابات جیتنے کی لیے مذہب سے کھلواڑ انتہائی حیران کن اور افسوسناک ہے۔ ایک عشرہ حکومت کرنے کے بعد بی جے پی سوشل میڈیا کے اس شرمناک استعمال میں مہارت حاصل کر چکی ہے۔

حالیہ برسوں میں بھارت میں نفرت انگیز تقاریر اور غلط معلومات کے پھیلاؤ میں شدید اضافہ ہوا ہے۔ بی جے پی نے اس مذموم مقصد کی خاطر ڈیڑھ لاکھ سوشل میڈیا ورکرز کا بڑا نیٹ ورک بنا رکھا ہے۔

رپورٹ میں کہا گیا کہ ماضی میں  بھی بی جے پی گمراہ کن پروپیگنڈے کو کانگریس کے خلاف استعمال کر چکی ہے۔

بی جے پی  کے کارکنوں نے اعتراف کیا کہ  بی جے پی ایسے مواد تخلیق کرنے والوں کے ساتھ تعاون کرتی ہے جو ’تھرڈ پارٹی‘ یا ’ٹرول‘ پیجز کے نام سے جانے جاتے ہیں۔

رپورٹ میں کہا گیا کہ ایسے گروہ سوشل میڈیا کے ذریعے اشتعال انگیز پوسٹس بنانے میں مہارت رکھتے ہیں۔ بی جے پی کے رویوں کی وجہ سے بھارت جمہوریت سے آمریت کا سفر تیزی سے طے کر رہا ہے۔

واشنگٹن پوسٹ کی تہلکہ خیز خبر پر اقوام عالم کی طرف سی مودی سرکار کی شدید مذمت کی گئی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں