بھارت میں انسانی حقوق کے کارکنوں پر ہندوتوا غندوں کے حملے بڑھتے جارہے ہیں۔

کشمیر میڈیا سروس کی رپورٹ کے مطابق بھارت میں انسانی حقوق کے کارکنوں کو ہندوتوا تنظیموں سے وابستہ غنڈوں کے بڑھتے ہوئے حملوں کا سامنا ہے۔

رپورٹ کے مطابق بھارتی ریاست منی پور کے دارلحکومت امپھال میں ہندوتوا غنڈوں نے انسانی حقوق کے نامور کارکن ببلو لوئتونگ بام کے گھر پر توڑ پھوڑ کی جس پر اقوام متحدہ کی انسانی حقوق کونسل نے بھی تشویش کا اظہار کیا۔

اقوام متحدہ کی انسانی حقوق کونسل نے سماجی رابطے کی سائٹ ایکس پر کہا کہ ہم انسانی حقوق کے محافظ ببلو لوئتونگ بام کے گھر کی توڑ پھوڑ اور انہیں دی جانے والی دھمکیوں سے پریشان ہیں۔

انہوں نے حکام سے مطالبہ کیا کہ وہ ببلو لوئتونگ بام اور ان کے خاندان کی حفاظت کریں اور مجرموں کو سزا دی جائے۔

دوسری جانب پولیس کا کہنا ہے کہ 05 اکتوبر کو امپھال مغربی ضلع کے علاقے کوکیتھل میں تقریباً 30 سے 35 لوگوں کے ایک ہجوم نے ببلو لوئتونگ بام کے گھر میں توڑ پھوڑ کی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں