بھارتی پولیس کو وزیر اعظم نریندر مودی اور احمد آباد میں واقع نریندر مودی اسٹیڈیم کو دھماکے سے اڑانے  کی دھمکی موصول ہوئی ہے۔

بھارتی میڈیا کی رپورٹ کے مطابق بھارتی پولیس کو ایک دھمکی آمیز ای میل موصول ہوئی ہے جس میں کہا گیا ہے کہ وزیر اعظم نریندر مودی اور احمد آباد کے نریندر  مودی اسٹیڈیم کو دھماکے سے اڑا دیا جائے گا۔

میڈیا رپورٹ کے مطابق ای میل میں 500 کروڑ روپے ادا کرنے اور گینگسٹر روی بشنوئی کو رہا کرنے کا مطالبہ کیا گیا ہے۔

دھمکی آمیز ای میل میں مزید کہا گیا کہ اسٹیڈیم پر حملے کے لیے بندے تعینات کردیے گئے ہیں۔ بعد ازاں وزیر اعظم نریندر مودی کو بھی اڑائیں گے۔

ای میل میں کہا گیا کہ آپ جتنی سیکیورٹی کا انتظام کرلیں ہم سے بچ نہیں سکتے۔

ای میل  کے حوالے سے پولیس  نے اپنے موقف میں کہا کہ  ہمیں دہشتگرد گروہ کی جانب سے کی جانے والی ای میل نیشنل انویسٹی گیشن ایجنسی کی جانب سے موصول ہوئی جس  تمام سیکیورٹی ایجنسیز کو الرٹ جاری کر دیا  گیاہے۔

بھاتی پولیس کے مطابق جس آئی ڈی سے ای میل کی گئی اسے ٹریس کرنے کی کوشش  کی جارہی ہے۔شبہ ہے کہ ای میل یورپ سے آئی ہے۔

واضح رہے کہ بھارتی پولیس کو یہ دھمکی ایسے وقت میں موصول ہوئی ہے جب بھارت میں ایک روز قبل ہی آئی سی سی کرکٹ ورلڈکپ کا آغاز ہوا ہے۔

قابل ذکر بات یہ ہے کہ  پاکستان اور بھارت کی ٹیمیں 14 اکتوبر کو احمد آباد کے اسی نریندر مودی اسٹیڈیم میں مد مقابل آئیں گی جسے دھماکے سے اڑانے کی دھمکی موصول ہوئی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں