کینیڈا اور بھارت کے درمیان سفارتی کشیدگی شدت اختیارکر گئی ہے، کینیڈا نے بھارت سے اپنے 41 سفارتکار واپس بلانے کا اعلان کردیا۔
بین الاقوامی خبر رساں ادارے کے مطابق کینیڈا کی وزیرخارجہ میلان جولی نے بتایا کہ 20 اکتوبر کو بھارتی حکام نے 21 کینیڈین سفارتکاروں اور ان کے اہلخانہ کو سفارتی استثنیٰ ختم ہونے سے متعلق باضابطہ طور پرآگاہ کر دیا ہے۔
بھارت اور کینیڈا کے درمیان تعلقات میں کشیدگی اس وقت شروع ہوئی جب کینیڈین وزیر اعظم جسٹن ٹروڈو نے سکھ رہنما ہردیپ سنگھ نجر کے قتل میں بھارتی خفیہ ایجنسی کے ملوث ہونے کا دعویٰ کیا تھا۔
کینیڈا نے ہردیپ سنگھ نجر قتل کیس کی تحقیقات میں بھارتی ایجنسی اور سفارتکاروں کے ملوث ہونے کے ٹھوس شواہد کی بنا پر ایک بھارتی سفارتکار کو ملک بدر کردیا تھا، بعد ازاں انکشاف ہوا کہ وہ بھارتی خفیہ ایجنسی ’را‘ کا افسرتھا۔
امریکی اخبار وال اسٹریٹ جرنل اور پانچ ملکی خفیہ تحقیقاتی ایجنسی ’فائیو آئیز‘ نے بھی ہردیپ سنگھ نجر قتل کیس میں بھارت کے براہ راست ملوث ہونے کی تصدیق کی تھی۔
کینیڈا نے ہردیپ سنگھ نجر قتل کے معاملے پر بھارت کے خلاف امریکہ، برطانیہ، اردن اور متحدہ عرب امارات سمیت کئی ممالک کی حمایت حاصل کرلی ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News