اقوام متحدہ کے سیکرٹری جنرل انتونیو  گوتریس کا کہنا ہے کہ اسرائیل کو غزہ کے شہریوں کے لیے امداد  کی بلا روک ٹوک رسائی دینی چاہیے۔

بین الاقوامی خبر رساں ادارے کے مطابق  اقوام متحدہ کے سیکرٹری جنرل انتونیو گوتریس نے اپنے ایک بیان میں کہا کہ غزہ میں پانی، بجلی اور دیگر ضروری سامان ختم ہو رہا ہے۔

انتونیو گوتریس کا کہنا تھا کہ اقوام متحدہ کے پاس خوراک، پانی، طبی سامان اور ایندھن کا ذخیرہ موجود ہے، تمام سامان گھنٹوں میں غزہ بھیجا جا سکتا ہے۔

انہوں نے مزید کہا کہ اسرائیل کو غزہ کے شہریوں کے لیے امداد  کی تیز رفتار اور بلا روک ٹوک رسائی دینی چاہیے۔

اقوام متحدہ کے سیکرٹری جنرل نے کہا کہ  ترسیل کو یقینی بنانے کے لیے پورے غزہ میں محفوظ ماحول ہونا چاہیے اور تمام سامان ضرورت مندوں تک  بغیررکاوٹ کے پہنچنا چاہیے۔

واضح رہے کہ  غزہ میں اسرائیلی حملوں میں شہید فلسطینیوں کی تعداد 2600 سے زائد ہوگئی  ہے جبکہ ہزاروں زخمی ہیں اور 10 لاکھ سے زائد بے گھر ہوگئے ہیں۔

اسرائیلی فوج کی جانب سے 250 نہتے فلسطینیوں کو دھوکے سے قتل کرنے کے مناظر نے دنیا کو ہلا کر رکھ دیا ہے۔

دوسری جانب  امریکی صدر جو بائیڈن نے غزہ کا دوبارہ محاصرہ اسرائیل کی بڑی غلطی  قرار دیا ہے۔

امریکی صدر جو بائیڈن نے ایک انٹرویو کے دوران  کہا کہ  حماس کا مکمل خاتمہ اور فلسطینی ریاست کے قیام کی راہ ہموار کرنا ضروری ہے لیکن   غزہ کا دوبارہ محاصرہ کیا تویہ بڑی غلطی ہوگی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں