دنیا کے بڑے معاشی ممالک میں شمار ہونے والے جاپان کا ہر 10 دسواں شخص 80 سال کا ہوگیا ہے۔

جاپان کے سرکاری خبر رساں ادارے کے مطابق ملک کے تازہ سروے سے معلوم ہوا کہ جاپان میں 80 سال کی عمر کے افراد کی تعداد ایک کروڑ 30 لاکھ تک پہنچ گئی۔

جاپان میں 74 اور 75 سال کی عمر کے افراد کی تعداد 2 کروڑ تک پہنچ چکی ہے جبکہ 65 سال کی عمر کے افراد کی تعداد ساڑھے تین کروڑ سے تجاوز کر چکی ہے۔

مجموعی طور پر جاپانی کی تقریباً 13 کروڑ کے قریب آبادی میں سے 7 کروڑ افراد 65 سال یا اس سے زائد العمر ہیں۔

ملک کی 2 کروڑ سے زیادہ خواتین 65 سال کی عمر کو پہنچ چکی ہے جبکہ اسی عمر کے مرد حضرات کی تعداد ایک کروڑ 70 لاکھ تک جا پہنچی ہے۔

سروے کے مطابق جاپان کی مجموعی آبادی میں سے 29 فیصد سے زیادہ آبادی ضعیف العمر ہے، یعنی وہ اس عمر کو پہنچ چکے ہیں، جہاں دیگر ممالک کے افراد ریٹائرمنٹ لے لیتے ہیں۔

جاپان کی ضعیف العمر 29 فیصد آبادی میں سے 25 فیصد بزرگ افراد تاحال کام کرنے پر مجبور ہیں، وہاں کام کرنے والے افراد کی عمر 70 سال یا اس سے بھی زائد تک ہوتی ہے۔

رواں برس جاپان میں گزشتہ برس کے مقابلے 80 سال کے عمر کو پہنچنے والے افراد کی تعداد دگنی ہوگئی اور رواں سال 2 لاکھ 70 ہزار افراد مذکورہ فہرست میں شامل ہوئے۔

جاپان کا شمار دنیا کے ان چند ممالک میں ہوتا ہے، جہاں ضعیف العمر آبادی نوجوان افراد کے مقابلے زیادہ ہے اور جاپان بوڑھے افراد کی فہرست میں پہلے نمبر پر آتا ہے۔

جاپان شرح پیدائش کی ریکارڈ کمی کا بھی سامنا ہے اور وہاں حکومت کی متعدد کوششوں اور اربوں ڈالر خرچ کرنے کے باوجود گزشتہ برس صرف 8 لاکھ بچے پیدا ہوئے۔

ریکارڈ شرح پیدائش کی کمی کے باوجود جاپان کے نوجوان شادی کرنے میں سنجیدہ نہیں دکھاتے اور وہاں تاخیر سے شادی کرنا معمول کی بات ہے۔

لڑکوں اور لڑکیوں میں تاخیر سے شادی کرنے میں بھی ہر گزرتے سال میں اضافہ ہوتا جا رہا ہے، جبکہ ان کی جانب سے بچوں کی پیدائش نہ کرنے کے عمل میں بھی سال بہ سال اضافہ ہوتا جا رہا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں