امریکہ  نے یمن کے قریب متعدد میزائل مار گرانے کا دعویٰ کیا ہے۔

امریکی محکمہ دفاع کے ترجمان بریگیڈیئر جنرل پیٹ رائیڈر نے پریس بریفنگ میں کہا کہ مشرقِ وسطیٰ میں تعینات امریکی جہاز نے یمن کے ساحل کے قریب متعدد میزائل مار گرائے ہیں۔

بریگیڈیئر جنرل پیٹ رائیڈر نے کہا کہ  میزائل کس مقام سے لانچ کیے گئے یہ نہیں جانتے تاہم ان کا ہدف اسرائیل تھا۔

انہوں نے الزام عائد کیا کہ  میزائل یمن میں ایران کے  حمایت یافتہ حوثی ملیشیا کی طرف سے فائر کیے گئے تھے۔

بریگیڈیئر جنرل پیٹ رائیڈر نے مزید کہا کہ یو ایس ایس کارنی نے زمین پر حملہ کرنے والے 3 میزائل  سمیت کئی ڈرونز کو بھی مار گرایا۔

ان کا کہنا تھا کہ  یہ کارروائی مشرقِ وسطیٰ میں مربوط فضائی اور میزائل دفاعی ڈھانچے کا مظہر ہے۔

واضح رہے کہ امریکہ کی  جانب سے اسرائیل کی مدد  کے لیے دو طیارہ بردار جنگی بحری بیڑے  اسرائیل کی طرف روانہ کیے گئے ہیں جن پر امریکی ائیرفورس کے ایف 15، ایف 16، ایف 35 اور اے 10 لڑاکا طیارے بھی  موجود ہیں ۔

 اس کے علاہ 5 تباہ کن بحری جہاز  بھی اسرائیل کی حفاظت کے لیے بھیجے گئے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں