حماس کی قید سے رہا ئی پانے والی یرغمالی  اسرائیلی خاتون   نے حماس   کے رویے سے متعلق  اہم انکشاف  کردیا۔

تفصیلات کے مطابق حماس نے  گزشتہ روز جن  دو بزرگ  اسرائیلی خواتین کو  انسانی ہمدردی کی بنیاد پر رہا کیا تھا ان میں سے ایک نے حماس کے حسن سلوک سے پوری دنیا کو آگاہ کردیا۔

85 سالہ اسرائیلی خاتون نے اپنی بیٹی کے ہمراہ تل ابیب میں کی جانے والی پریس کانفرنس میں  حماس کی قید میں گزارے  گئے وقت سے متعلق بتا یا۔

رہائی کے وقت حماس کے اہلکار سے ہاتھ  ملانے کی وجہ پوچھے جانے پر خاتون نے کہا کہ قید کے دوران ان لوگوں کا برتاؤ بہت اچھا تھا اور انہوں نے ہمارا بہت خیال رکھا۔

خاتون نے کہا کہ مجھے 7 اکتوبر کو میرے گھر سے حماس کے لوگوں نے اغوا کیا اور موٹر سائیکل پر بٹھا کر غزہ لے گئے۔ اس سفر  کے دوران مجھے کئی جگہ چوٹیں بھی آئیں اور مجھ سے سانس بھی مشکل سے لیا جا رہا تھا لیکن  حماس والوں کا رویہ نرم تھا۔

انہوں نے کہا کہ ہمیں غزہ میں زیر زمین ایک سرنگ میں رکھا گیا جہاں ہم زمین پر بچھائے گئے گدوں پر سوتے تھے۔ وہاں گارڈز اور طبی عملہ ہر وقت موجود ہوتا تھا۔ مجھے اور میرے ہم عمر ساتھیوں کو ہر دو یا تین دن بعد ڈاکٹر بھی دیکھنے آتا تھا، ہمیں کوئی پریشانی نہیں ہوئی۔

ان خاتون کے مطابق انہیں 24 دیگر لوگوں کے ساتھ سرنگوں میں لے جایا گیا۔

خاتون نے مزید کہا کہ  وہاں پہنچنے پر جب ہمیں موٹر سائیکل سے اُتارا گیا تو ہمارا استقبال کرنے والوں نے کہا ’ہم قرآن پر یقین رکھتے ہیں، اس لیے آپ لوگوں کو یہاں کوئی تکلیف نہیں پہنچے گی‘۔

خاتون نے بتایا کہ ہمیں جن سرنگوں میں رکھا گیا وہ مکڑی کے جالے کی طرح کی پیچیدہ  اور بھول بھلیاں تھیں جن تک پہنچنا ناممکن تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں