سکھ فار جسٹس کا فلسطین کے حق میں ریلیاں نکالنے کا اعلان

ویب ڈیسک

20th Oct, 2023. 10:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سکھ فار جسٹس کا فلسطین کے حق میں ریلیاں نکالنے کا اعلان

سکھ فار جسٹس نے غزہ پر اسرائیلی بمباری میں شہید ہونے والے فلسطینیوں سے اظہار یکجہتی کے لیے ریلیاں نکالنے کا اعلان کیا ہے۔

کشمیر میڈیا سروس کی رپورٹ کے مطابق سکھوں کی بین الاقوامی تنظیم سکھ فار جسٹس غزہ کے اسپتال پر اسرائیلی بمباری میں شہید ہونے والے فلسطینیوں سے اظہار یکجہتی کے لیے کل بروزہفتہ سے کینیڈا سے فلسطین تک بھارت مخالف ریلیاں نکالے گی۔

رپورٹ کے مطابق ریلیوں میں نہتے فلسطینیوں پر اسرائیلی بمباری کی حمایت کرنے پر بھارتی وزیر اعظم نریندرمودی کی زیر قیادت بھارت کی مذمت کی جائے گی۔

یہ بھی پڑھیں: فلسطین اسرائیل جنگ، شہید فلسطینیوں کی تعداد 4 ہزار سے تجاوز کرگئی

ایس ایف جے کے جنرل کونسلر گرپتونت سنگھ پنوں نے ایک ویڈیو بیان میں کہا کہ عالمی برادری نہتے فلسطینیوں پر اسرائیلی وحشیانہ بمباری پر دکھ اور افسوس کا اظہار کررہی ہے۔

انہوں نے کہا کہ مودی کی قیادت میں بھارت اس پر جشن منا رہا ہے جوکہ دنیا کی سب سے بڑی جمہوریت کے دعویدار بھارت کے لیے انتہائی شرمناک ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں