غزہ میں جاری اسرائیلی  بربریت سے شہید فلسطینیوں کی تعداد 12 ہزار تک پہنچ گئی۔

بین الاقوامی خبررساں ادارے کے مطابق اسرائیلی بمباری سے خان یونس میں 26 جبکہ مغربی کنارے میں ایک مکان پر اسرائیلی بمباری سے 5 فلسطینی شہید ہوگئے۔

غزہ پر جاری اسرائیلی بمباری سے مجموعی طور پر اب تک 12 ہزار فلسطینی شہید اور 30 ہزار سے زائد زخمی ہو چکے ہیں۔

شہید ہونے والوں میں 5 ہزار کے قریب بچے اور تقریباً 2 ہزار خواتین شامل ہیں۔

اسرائیل  نے الشفاء اسپتال میں تباہی کے بعد جنین کا ابن سینا اسپتال خالی کرنے کاحکم جاری کردیا۔

اسرائیلی فورسز نے جنین کے ابن سینا اسپتال کا گھیراؤ کرلیا۔

 اسرائیلی فورسز نے غزہ کے الشفاء اسپتال کے ڈاکٹروں، مریضوں اور بے گھر افراد کو بھی کمپاؤنڈ خالی کرنے کے لیے ایک گھنٹے کا وقت دے دیا۔

واضح رہے کہ اسرائیلی افواج 7 اکتوبر سے روزانہ  کی بنیاد پر اسکولوں، اسپتالوں اور رہائشی عمارتوں کو نشانہ بنارہی ہیں۔

اسرائیلی وزیراعظم کے مشیر نے کہا ہے کہ یہ قبول نہیں کریں گے کہ اسرائیلی مسلح افواج غزہ میں بچوں کو قبل کر رہی ہیں۔

جرمن چانسلر اولاف شولز کے ہمراہ میڈیا سے بات کرتے ہوئے ترک صدر رجب طیب اردگان نے اسرائیل کو غزہ پر فضائی اور زمینی حملوں کی وجہ سے ہدف تنقید بنایا۔

رجب طیب اردگان نے کہا کہ بچوں اور اسپتالوں پر حملے کا ذکر تورات میں نہیں ہے، آپ یہ نہیں کرسکتے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں