پیغمبر اسلام ﷺ کی شان میں گستاخی، مقبوضہ کشمیر میں جمعہ کو ہڑتال کی کال

ویب ڈیسک

29th Nov, 2023. 07:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پیغمبر اسلام ﷺ کی شان میں گستاخی، مقبوضہ کشمیر میں جمعہ کو ہڑتال کی کال

سری نگر: پیغمبر اسلام ﷺ کی شان میں گستاخی کے خلاف مقبوضہ کشمیر میں کل جماعتی حریت کانفرنس نے جمعہ کو مکمل ہڑتال کی اپیل کردی۔

کشمیر میڈیا سروس کی رپورٹ کے مطابق ایک بھارتی طالب علم کی جانب سے پیغمبر اسلام ﷺ کی شان میں گستاخی کے خلاف مقبوضہ کشمیر میں کل جماعتی حریت کانفرنس نے جمعہ کو مکمل ہڑتال کی کال دی ہے۔

رپورٹ کے مطابق بھارتی طالب علم نے پیغمبر اسلام ﷺ کے بارے میں توہین آمیز ویڈیو پوسٹ کی تھی جس کے خلاف احتجاج کیا جائے گا۔

علاوہ ازیں ہڑتال کا مقصد غیر قانونی گرفتاریوں، کشمیری طلباء کے خلاف کالے قانون کے تحت مقدمے کے اندراج، کشمیری سرکاری ملازمین کی برطرفی اور لوگوں کی جائیدادوں کی ضبطی کے خلاف بھی احتجاج کرنا ہے۔

یہ بھی پڑھیں: مقبوضہ کشمیر میں بھارتی دہشت گردی جاری ، 2 کشمیری طالب علم شہید

کل جماعتی حریت کانفرنس نے مقبوضہ علاقے کے لوگوں سے ہڑتال کو کامیاب بنانے پر زور دیتے ہوئے احتجاجی مظاہرے کی اپیل کی ہے۔

دوسری جانب گزشتہ روز نیشنل انسٹی ٹیوٹ آف ٹیکنالوجی سری نگر کے طلباء نے بھی ادارے میں زیر تعلیم ایک بھارتی طالب علم کی جانب سے توہین آمیز ویڈیو پوسٹ کرنے کے خلاف زبردست احتجاجی مظاہرہ کیا تھا۔