ہیومن رائٹس واچ نے اسرائیل سے اسپتالوں پر حملہ بند کرنے کا مطالبہ کردیا

ویب ڈیسک

14th Nov, 2023. 03:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہیومن رائٹس واچ نے اسرائیل سے اسپتالوں پر حملہ بند کرنے کا مطالبہ کردیا

غزہ میں جاری اسرائیلی جارحیت پر ہیومن رائٹس واچ نے رپورٹ جاری کردی ہے۔

غیر ملکی خبر رساں ادارے کے مطابق ہیومن رائٹس واچ نے غزہ میں جاری اسرائیلی جارحیت پر رپورٹ جاری کی ہے جس میں کہا گیا ہے کہ غزہ میں اسپتالوں اور طبی عملے پر حملے ہورہے ہیں۔

انہوں نے مطالبہ کیا کہ ان واقعات کی جنگی جرائم کے طور پر تحققات ہونی چاہیے، غزہ کے اسپتالوں میں حملے کا کوئی جواز قابل قبول نہیں۔

یہ بھی پڑھیں: غزہ کا الشفاء اسپتال لاشوں کا قبرستان بن چکا ہے، عالمی ادارہ صحت

ہیومن رائٹس واچ کا مزید کہنا تھا کہ ہم نے خود غزہ کے کئی اسپتالوں کا جائزہ لیا ہے، اسرائیل کو اسپتالوں پر حملہ بند کرنا چاہیے۔

یاد رہے کہ غزہ میں اسرائیلی جارحیت 39 ویں روز بھی جاری ہے جب کہ اس دوران 11 ہزار سے زائد فلسطینی شہید ہوچکے ہیں جن میں بچوں اور خواتین کی بڑی تعداد شامل ہے۔

جاری اسرائیلی بمباری کے دوران 4 ہزار 630 بچے اور 3 ہزار 130 خواتین شہید ہوچکی ہیں جب کہ طبی عملے کے 189 افراد بھی شہداء میں شامل ہیں۔