بھارتی ریاست اتر پردیش کے بعد بہار میں بھی حلال کھانے پر پابندی کا امکان  ہے۔

بھارتی میڈیا کی رپورٹ کے مطابق  بھارت میں انتہا پسند  حکمراں جماعت بی جے پی   کی جانب سے مسلمانوں پر ایک اور وار کرتے  ہوئے اب  بہار میں بھی حلال کھانے پر پابندی  لگائے جانے کا امکان ہے۔

یونین  وزیر گری راج سنگھ  نے بہار کے وزیر اعلیٰ نتیش کمار سے حلال مصنوعات پر پابندی لگانے کا مطالبہ کردیا۔

گری راج سنگھ  نے خط میں لکھا کہ حلال مصنوعات کا کاروبار ملک سے غداری ہے، حلال سرٹیفیکیشن کو ہم نہیں مانتے۔

حلال چیزوں پر ممکنہ پابندی سے  بھارتی مسلمانوں میں تشویش کی لہر دوڑ گئی۔ رواں ماہ اتر پردیش میں بھی یوگی حکومت نے حلال سرٹیفیکیشن پر پابندی عائد کی تھی۔

اے آئی ایم پی ایل بی ممبر محمد سلیمان کا کہنا ہے کہ  حلال سرٹیفیکٹ پر پابندی غلط ہے، بہار کی حکومت اسلاموفوبیا کا شکار ہے۔

عالمی میڈیا نے بھی  بہار حکومت  کے حلال سرٹیفیکٹ پر پابندی عائد کرنے  کے فیصلے کو قابل مذمت قرار دیا ہے۔

پابندی کا فیصلہ مودی حکومت کی مسلمانوں کے خلاف انتہا پسندی کا منہ بولتا ثبوت ہے ۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں