علاج کے لیے آنے والے گینگسٹر کو ڈاکٹر نے ہلاک کردیا

ویب ڈیسک

10th Nov, 2023. 08:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

علاج کے لیے آنے والے گینگسٹر کو ڈاکٹر نے ہلاک کردیا

بھارتی ریاست بہار میں علاج کے لیے آنے والے گینگسٹر کو ڈاکٹر نے تشدد کرکے ہلاک کردیا۔

کشمیر میڈٰیا سروس کی رپورٹ کے مطابق بھارتی ریاست بہار میں علاج کے لیے ایک پرائیویٹ اسپتال جانے والے گینگسٹرکو مبینہ طور پر ڈاکٹر اورمعاون طبی عملے نے تشدد کرکے ہلاک کردیا۔

رپورٹ کے مطابق چندن کمار نامی گینگسٹر ریاست کے ضلع بیگوسرائے کے گاؤں روپ نگر کے ایک اسپتال میں علاج کے لیے گیا تھا۔

رپورٹ کے مطابق گینسٹر کا ڈاکٹر کے ساتھ جھگڑا ہوا جس پر اسے تشدد کا نشانہ بنایا گیا جب کہ ڈاکٹر اور طبی عملے نے گینگسٹر کو جان سے مارنے کے لیے تیز دھار آلے بھی استعمال کیے۔

ملزم ڈاکٹر کی شناخت اجیت پاسوان کے نام سے ہوئی ہے جب کہ واقعے کے بعد گینگسٹر کے ساتھیوں نے اسپتال اور ڈاکٹر کی رہائش گاہ کو آگ لگادی۔

پولیس کے مطابق گینگسٹر علاج کے لیے اسپتال گیا تھا تاہم علاج سے انکار پر اس کا ڈاکٹر کے ساتھ جھگڑا ہوا جس کے بعد گینگسٹر کو تشدد کا نشانہ بناکر قتل کردیا گیا۔

پولیس کا کہنا تھا کہ واقعے کی تحقیقات کے لیے ایک ٹیم تشکیل دے دی گئی ہے جب کہ مذکورہ ڈاکٹر اور دیگر عملے کی گرفتاری کے لیے چھاپے مارے جارہے ہیں۔