لبنانی عسکری گروپ  حزب اللہ نے ایک اور اسرائیلی ڈرون مار گرایا ہے۔

بین الاقوامی خبررساں ادارے کے مطابق  حزب اللہ نے اسرائیل کے ساتھ دوطرفہ لڑائی میں اسرائیلی ہرمیس 450 ڈرون مار گرانے کا دعویٰ کیا ہے۔

تازہ ترین واقعے میں حزب اللہ اور اسرائیل   نے آج صبح لبنان-اسرائیل سرحد کے قریب ایک دوسرے پر راکٹ اور میزائل فائر  کیے۔

حزب اللہ نے شمال میں اسرائیلی فوج کے اہداف پر 11 ٹینک شکن میزائل داغے ہیں جبکہ ایک ڈرون مار گرانے کا بھی دعویٰ کیا گیا ہے۔

دوسری جانب اسرائیلی فوج  کا دعویٰ ہے کہ اسرائیلی ڈرون پر فائر کیے گئے میزائل کو انٹرسیپٹ کرلیا گیا تھا۔

بین الاقوامی خبررساں ادارے کی جانب سے  کسی بھی بیان کی تصدیق نہیں  کی جاسکی ہے۔

امریکا نے خدشہ ظاہر کیا ہے کہ  یہی صورتحال رہی تو یہ تنازعہ  پورے مشرق وسطیٰ میں پھیل جائے گا۔

واضح رہے کہ حزب اللہ نے اس سے قبل  رواں ماہ کے آغاز میں بھی زمین سے فضا میں مار کرنے والے میزائل  کے ذریعے ایک اسرائیلی ڈرون مار  گرانے کا دعویٰ کیا تھا  جبکہ   اسرائیلی فوج نے حملے کی تصدیق کرتے ہوئے کہا تھا کہ ڈرون کو کوئی نقصان نہیں پہنچا۔

اس سے ایک ہفتہ قبل بھی حزب اللہ نے ایک اسرائیلی ڈرون تباہ کردیا تھا یعنی گزشتہ ایک ماہ کے دوران حزب اللہ کی جانب سے یہ تیسرا اسرائیلی ڈرون مار گرایا گیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں