کینیڈا میں مسلم خاندان کے قاتل کو سزا سنادی گئی۔

کینیڈین میڈیا کی رپورٹ کے مطابق  کینیڈا میں پاکستانی خاندان کے چار افراد کو اپنی گاڑی کے نیچے کچلنے میں ملوث  22 سالہ سفید فام نیتھینیل ویلٹمین کو مجرم  قرار دے دیا گیا۔

نیتھینیل ویلٹمین نے جون 2021 میں سلمان افضال  اور ان کی فیملی پر جان بوجھ کر اپنی گاڑی چڑھا کر قتل کر دیا تھا۔

نیتھینیل ویلٹمین کو فرسٹ ڈگری کے قتل میں خود کار طریقے سے عمر قید کی سزا ہوگئی ہے جس میں 25 سال تک پیرول کا کوئی امکان نہیں ہوتا ہے۔

اس حملے میں  46 سالہ سلمان افضال سمیت ان کی 44 سالہ اہلیہ   مدیحہ سلمان،  15 سالہ بیٹی یمنیٰ  اور ان کی 74 سالہ دادی طلعت افضا ل  جاں بحق ہوگئی تھیں جبکہ  9 سالہ بیٹا شدید زخمی ہوگیا تھا ۔

استغاثہ نے استدلال کیا کہ ویلٹمین نے دہشتگردی کی کارروائی کی اور اسے تمام الزامات پر سزا دی جانی چاہیے۔

خاندان کے افراد کا کہنا ہے کہ  یہ فیصلہ ہمارے پیاروں کو واپس  تو نہیں لاسکتا لیکن  وہ  عدالت  کے اس  فیصلے سے خوش ہیں ۔

 مدیحہ سلمان کی والدہ تابندہ بخاری نے کہا اس نے ہمارے دلوں میں خوف اور دہشت پیدا کرنے کا ارادہ کیا تاہم یہ صرف ایک مسلم کمیونٹی کے خلاف جرم نہیں تھا بلکہ تمام کینیڈینز کے تحفظ اور سلامتی کے خلاف حملہ تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں