اسرائیلی وزیر اعظم بینجمن نیتن یاہو کا کہنا ہے کہ  ہم جنگ میں ہیں اور جنگ جاری رکھیں گے۔

بین الاقوامی خبررساں ادارے کے مطابق   اسرائیل کی کابینہ  کے کثرت رائے  سے یرغمالیوں کی رہائی کے معاہدے کی منظوری  کے بعد  اسرائیلی وزیر اعظم بینجمن نیتن یاہو   نے کابینہ سے خطاب کیا۔

 بینجمن نیتن یاہو  نے کہا کہ جنگ اس وقت تک جاری رہے گی جب تک کہ ہم اپنے تمام اہداف حاصل نہیں کر لیتے۔

ان کا کہنا تھا کہ  ہمارا ہدف حماس کا خاتمہ اور اپنے تمام یرغمالیوں کی واپسی ہے۔ اب سے غزہ سے حماس اسرائیل کو مزید دھمکیاں نہیں دے گا ۔ اب کوئی نہیں ہوگا جواسرائیل میں دہشت گردی کرے ۔

واضح رہے کہ  اسرائیل اور حماس کے درمیان جنگ میں وقفے پر اتفاق ہوگیا ہے۔  اسرائیل اور حماس کے درمیان جنگ میں وقفے پر اتفاق کا اعلان قطر نے کیا ہے۔

اسرائیل اور حماس کے درمیان جنگ میں 4 روز کے وقفے کا معاہدہ کیا گیا۔

معاہدے کے تحت حماس  کی قید میں  موجود 50 خواتین اور   بچوں کو رہا  کیا جائے گاجبکہ  اسرائیلی قید سے 150 فلسطینی رہا کیے جائیں گے۔

اسرائیل کی کابینہ نے کثرت رائے  سے یرغمالیوں کی رہائی کے معاہدے کی منظوری دے دی  ہے۔

اسرائیلی میڈیا کا کہنا ہے کہ کابینہ کے اجلاس میں شریک وزراء کے  مطابق   یرغمالیوں کی رہائی کا عمل جمعرات سے شروع ہوجائےگا ۔

غزہ میں 7 اکتوبر سے جاری  اسرائیلی جارحیت   سے اب تک 5 ہزار 500 سے زائد بچوں اور 3 ہزار 500 سے زائد خواتین سمیت 13 ہزار فلسطینی شہید ہوچکے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں