غزہ میں اسرائیلی جارحیت سے شہید  فلسطینیوں کی تعداد 13 ہزار سے تجاوز کرگئی۔

بین الاقوامی خبررساں ادارے کے مطابق اسرائیلی فورسز  نے شمالی غزہ کے انڈونیشین اسپتال پر شدید گولہ باری کی جس میں 8 فلسطینی شہید اور دو ڈاکٹر زخمی ہوگئے۔

حملے کے بعد انڈونیشین اسپتال کے قریب عمارت کو آگ لگ گئی۔

الخلیل میں اسرائیلی فوج کی فائرنگ سے ایک  فلسطینی شہید  اور متعدد زخمی ہوئے۔

7  اکتوبر سے اب تک 5 ہزار 500 سے زائد بچوں اور 3 ہزار 500 سے زائد خواتین سمیت 13 ہزار فلسطینی شہید ہوچکے ہیں۔

اسرائیلی افواج نے شمالی غزہ کی مسجد القسام، مسجد الخلیفہ، مسجد حیفہ اور مسجد الامین محمد کو  بھی شہید کر دیا۔

ادھر مغربی کنارے میں بھی اسرائیلی فوج کی کارروائیاں جاری ہیں ، گزشتہ دو روز میں مزید 50 فلسطینی شہید کر دیے گئے۔

واضح رہے کہ اسرائیلی افواج 7 اکتوبر سے روزانہ  کی بنیاد پر اسکولوں، اسپتالوں اور رہائشی عمارتوں کو نشانہ بنارہی ہیں۔

اسرائیلی وزیراعظم کے مشیر نے کہا  تھا کہ یہ قبول نہیں کریں گے کہ اسرائیلی مسلح افواج غزہ میں بچوں کو قبل کر رہی ہیں۔

جرمن چانسلر اولاف شولز کے ہمراہ میڈیا سے بات کرتے ہوئے ترک صدر رجب طیب اردگان نے اسرائیل کو غزہ پر فضائی اور زمینی حملوں کی وجہ سے ہدف تنقید بنایا تھا۔

رجب طیب اردگان نے کہا کہ بچوں اور اسپتالوں پر حملے کا ذکر تورات میں نہیں ہے، آپ یہ نہیں کرسکتے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں