امریکہ نے اوسپرے-وی 22 ہیلی کاپٹرز گراونڈ کر دیے

ویب ڈیسک

07th Dec, 2023. 03:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکہ نے اوسپرے-وی 22 ہیلی کاپٹرز گراونڈ کر دیے

امریکی فوج نے اوسپرے- وی 22 ہیلی کاپٹرز گراونڈ کر دیے۔

بین الاقوامی خبررساں ادارے کے مطابق جاپان میں حادثے کا شکار ہونے والے اوسپرے- وی 22 ہیلی کاپٹرز کو گراونڈ کرنے کا فیصلہ کرلیا گیا۔

گزشتہ ہفتے جاپان کے ساحلی علاقے میں امریکی ہیلی کاپٹر اوسپرے وی-22 گرنے کا واقعہ پیش آیا تھا۔ حادثے سے ہیلی کاپٹر میں سوار تمام 8 افراد ہلاک ہو گئے تھے ۔

دوسری جانب جاپان نے بھی تمام اوسپرے وی-22 ہیلی کاپٹرز گراؤنڈ کرنے کا فیصلہ کر لیا۔

بوئنگ کمپنی کے مطابق کم از کم 400 کثیر المقاصد اوسپرے ہیلی کاپٹرز فراہم کیے گئے ہیں جو بنیادی طور پر جاپان اور دیگر جگہوں پر امریکی فضائیہ، میرینز اور بحریہ کے زیر استعمال ہیں۔

جاپان میں تعینات امریکی بحریہ کا طیارہ بردار بحری جہاز یو ایس ایس کارل ونسن کچھ سامان اور عملے کی فراہمی کے لیے ان پر انحصار کرتا ہے۔

امریکی میرین کور کے ایک ریٹائرڈ کرنل اور ریسرچ فیلو گرانٹ نیوزہم نے جاپان فورم فار اسٹریٹجک اسٹڈیز میں کہا کہ اگر اوسپرے کی گراؤنڈنگ ایک ہفتہ یا اس سے زیادہ دن تک رہتی ہے تو اس سے تربیت اور دیگر امور متاثر ہو سکتے ہیں۔