فرانسیسی صدر کا اسرائیلی وزیر اعظم سے ٹیلیفونک رابطہ، غزہ پر بات چیت

ویب ڈیسک

28th Dec, 2023. 02:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فرانسیسی صدر کا اسرائیلی وزیر اعظم سے ٹیلیفونک رابطہ، غزہ پر بات چیت

فرانسیسی صدر کا اسرائیلی وزیر اعظم سے ٹیلیفونک رابطہ ہوا ہے جس میں غزہ پر بات چیت ہوئی ہے۔

غیر ملکی خبر رساں ادارے کے مطابق فرانسیسی صدر ایما نویل میکرون کا اسرائیلی وزیر اعظم نیتن یاہو سے ٹیلیفونک رابطہ ہوا ہے جس میں دونوں فریقین کے درمیان غزہ کی صورت حال پر گفتگو ہوئی ہے۔

یہ بھی پڑھیں: غزہ سے واپس آنے والے فوجی صحت عامہ کے لیے خطرہ قرار

رپورٹ کے مطابق ایما نویل میکرون نے غزہ میں دیرپا جنگ بندی کا مطالبہ کرتے ہوئے کہا کہ فرانس اردن کے ساتھ مل کر غزہ میں طبی سہولیات کے لیے کام کرے گا۔

رپورٹ میں کہا گیا ہے کہ فرانسیسی صدر کی جانب سے مقبوضہ مغربی کنارے میں تشدد کے خاتمے کا بھی مطالبہ کیا گیا ہے۔

یاد رہے کہ اسرائیل اور فرانس دیرینہ اتحادی ہیں اور غزہ جنگ کے آغاز سے ہی فرانس نے اسرائیل کے ساتھ کھڑا ہونے کا اعلان کیا تھا۔

پچھلے ہفتے ہی فرانسیسی صدر نے اسرائیل کا دورہ کیا تھا جو ڈھائی ماہ کے دوران اسرائیل کا تیسرا دورہ تھا۔

یہ بڑھیں: اسرائیل سے ٹرک میں 80 فلسطینیوں کی بھیجی گئی لاشوں سے اعضاء غائب

نئے منظر نامے میں فرانس بحیرہ احمر میں حوثی حملوں کے خلاف اسرائیل اور اس کے دوسرے اتحادیوں کے ساتھ مل کر کھڑا ہے۔

علاوہ ازیں فرانس نے لبنانی سرحد کے ساتھ بھی اسرائیلی سیکیورٹی کے لیے خدمات انجام دینے کا وعدہ کیا ہے جس پر نیتن یاہو نے ان کا شکریہ ادا بھی کیا ہے۔