لداخ میں پے درپے زلزلوں نے مقامی لوگوں کے لیے خطرے کی گھنٹی بجادی

ویب ڈیسک

27th Dec, 2023. 10:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لداخ میں پے درپے زلزلوں نے مقامی لوگوں کے لیے خطرے کی گھنٹی بجادی

لداخ میں رواں ماہ کم از کم ایک درجن زلزلے اور آفٹر شاکس محسوس کیے گئے ہیں جس سے لوگوں میں خوف وہراس پھیل گیا ہے۔

کشمیر میڈیا سروس کی رپورٹ کے مطابق لداخ میں پے درپے زلزلوں نے مقامی لوگوں کے لیے خطرے کی گھنٹی بجادی ہے جب کہ ماہرین نے نقصان کو کم کرنے کی ضرورت پر زور دیا ہے۔

رپورٹ کے مطابق محکمہ موسمیات کے ڈائریکٹر سونم لوٹس کہتے ہیں ’’ہمیں زلزلوں اور آفٹر شاکس کو مثبت انداز میں دیکھنے اور احتیاطی تدابیر اختیار کرنے کی ضرورت ہے‘‘۔

انہوں نے کہا ’’نقصانات کو کم کرنے کے لیے ہمیں اپنے مکانات کو زلزلے سے منظور شدہ ڈیزائن کی بنیاد پر تعمیر کرنا چاہیے‘‘۔

سونم لوٹس مزید کہتے ہیں ’’لداخ زلزلہ زدہ زور فور میں آتا ہے اور زلزلوں سے گھبرانے کی ضرورت نہیں ہے تاہم کسی بھی قدرتی آفت سے نمٹنے کے لیے تیار رہنا ہی بہتر ہے‘‘۔

یاد رہے کہ منگل کی صبح لداخ کے علاقے لیہہ میں ریکٹر اسکیل پر 4.5 کی شدت کا زلزلہ ریکارڈ کیا گیا تھا جب کہ زلزلے کا مقام لیہہ اور گہرائی 5 کلومیٹر تھی۔

تاہم زلزلے سے کسی قسم کا نقصان نہیں ہوا تھا جب کہ 19 دسمبر کو بھی لداخ کے ضلع کرگل میں ہلکی شدت کا زلزلہ آیا تھا جو دو دنوں کے اندر اس خطے میں پانچواں زلزلہ تھا۔