مودی حکومت اور ان کے میڈیا کارکن مختلف ممالک میں گھناؤنی کاروائیاں کرنے سے باز نہ آئے۔

18 دسمبر کو سعودی سیکیورٹی فورسز کی جانب سے بھارتی بلاگر زہاک تنویر کو سعودی مملکت کے مفادات کے لیے نقصان دہ سمجھی جانے والی سرگرمیوں کے الزام میں گرفتار کیا گیا ہے۔

زہاک ایک بھارتی صحافی ہے جو آر ایس ایس اور مودی کے حامی خیالات کے لیے پہچانا جاتا ہے جب کہ زہاک تنویر کو اسلام مخالف مواد شائع کرنے پر سعودی حکام کی جانب سے گرفتار کیا گیا  ہے۔

زہاک نے اپنے سوشل میڈیا پر غزہ میں جنگ بندی اور فلسطین کی آزاد ریاست کی وکالت کرنے والے مظاہرین پر تنقید کی تھی۔

زہاک نے سوشل میڈیا پر نوجوانوں کو داعش جیسی خطرناک اور بنیاد پرست تنظیموں میں شامل ہونے کی بھی تاکید کی تھی۔

دوسری جانب مئی 2020 کو متحدہ عرب امارات میں ایک ہندو شیف، اسٹور کیپر اور کیشیر کو سوشل میڈیا پر اسلام مخالف بیانات دینے پر نکال دیا گیا تھا۔

قطر میں بھی بھارتی بحریہ کے آٹھ سابق افسروں کو جاسوسی کرنے کے الزام میں سزائے موت سنائی گئی ہے۔

علاوہ ازیں بحرین کے اسپتال نے بھارتی ڈاکٹر سنیل راؤ کو اسلام مخالف بینانیے پر نوکری سے نکالا جب کہ اپریل 2020 کو کویت میں ہندو انجینئر کو مسلمانوں کے خلاف سوشل میڈیا پر تبصرہ کرنے کی مد میں نوکری سے نکال دیا گیا تھا۔

واضح رہے کہ عالمی سطح پر بھارت کا اسلام مخالف چہرہ عیاں ہونے کے باوجود ہندو انتہا پسند اپنی اسلام مخالف پالیسیوں سے باز نہیں آرہے ہیں۔