دنیا بھر میں کل کشمیری ’’یوم حق خود ارادیت‘‘ منائیں گے

ویب ڈیسک

04th Jan, 2024. 08:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دنیا بھر میں کل کشمیری ’’یوم حق خود ارادیت‘‘ منائیں گے

دنیا بھر میں مقیم کشمیری کل 5 جنوری کو اس عزم کی تجدید کریں گے کہ وہ بین الاقوامی سطح پر تسلیم شدہ اپنے ناقابلِ تنسیخ حق ’’حق خود ارادیت‘‘ کے حصول تک اپنی جدوجہد جاری رکھیں گے۔

کشمیر میڈیا سروس کی رپورٹ کے مطابق حریت کانفرنس کی اپیل پر دنیا بھر میں مقیم کشمیری کل 5 جنوری کو ’’یوم حق خود ارادیت‘‘ منائیں گے۔

رپورٹ کے مطابق دنیا بھر میں مقیم کشمیری کل اس عزم کی تجدید کریں گے کہ وہ بین الاقوامی سطح پر تسلیم شدہ اپنے ناقابلِ تنسیخ حق ’’حق خود ارادیت‘‘ کے حصول تک اپنی جدوجہد جاری رکھیں گے۔

اس موقع پر پاکستان سمیت دنیا بھر کے تمام بڑے دارالحکومتوں میں احتجاجی مظاہرے، ریلیاں، سیمینارز اور کانفرنسز سمیت مختلف پروگراموں کا انعقاد کیا جائے گا۔

5 جنوری 1949 کو اقوام متحدہ کی سلامتی کونسل نے ایک تاریخی قرارداد منظور کی تھی جس میں کہا گیا تھا کہ ریاست جموں و کشمیر کے بھارت یا پاکستان کے ساتھ الحاق کے سوال کا فیصلہ آزادانہ اور غیر جانبدارانہ استصواب رائے کے جمہوری طریقے سے کیا جائے گا۔

واضح رہے کہ اقوام متحدہ کی قرارداد پر عمل درآمد میں واحد رکاوٹ بھارت کامنفی رویہ، ہٹ دھرمی اور غیر حقیقت پسندانہ طرز عمل ہے۔