ٹی20 ورلڈکپ: سعودی سفیر نے پاکستانی کرکٹ ٹیم کیلئے بڑا اعلان کردیا

ویب ڈیسک

02nd Jun, 2024. 03:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹی20 ورلڈکپ: سعودی سفیر نے پاکستانی کرکٹ ٹیم کیلئے بڑا اعلان کردیا

سعودی عرب کے سفیر نواف بن سعید احمد المالکی نے پاکستانی کرکٹ ٹیم کو ٹی20 ورلڈکپ جیتنے پر شاہی حج کروانے کا اعلان کردیا۔

سعودی سفیر نے ویڈیو پیغام میں انٹرنیشنل کرکٹ کونسل (آئی سی سی) ٹی20 ورلڈکپ 2024 کے لیے پاکستان کرکٹ ٹیم کے لیے نیک خواہشات کا اظہار کیا ہے۔

سعودی سفیر نواف بن سعید احمد المالکی نے اپنے خصوصی ویڈیو پیغام میں کہا کہ پاکستانی کرکٹ ٹیم کے اپنے بھائیوں کے لیے میرا پیغام کہ انشاء اللہ آپ یہ ٹورنامنٹ جیتیں گے۔

انہوں نے کہا کہ پاکستانی عوام یقیناً ورلڈ کپ میں ٹیم کی کامیابی کا جشن منائیں گے، میں پاکستان کی خوشحالی اور ترقی کے لیے بھی دعا گو ہوں۔

نواف بن سعید احمد المالکی نے مزید کہا کہ آئی سی سی ٹی ٹوئنٹی ورلڈ کپ 2024 جیتنے پر پاکستانی ٹیم اگلے برس حج پر شاہی مہمان ہو گی۔

واضح رہے کہ پاکستان کرکٹ ٹیم اپنے ٹی 20 ورلڈ کپ مہم کا آغاز 6 جون کو ڈلاس میں میزبان ٹیم امریکہ کے خلاف کرے گی۔

اس کے بعد 9، 11 اور 16 جون کو بالترتیب بھارت، کینیڈا اور آئرلینڈ کے خلاف میچزکھیلے گی، گروپ اسٹیج کے بعد گروپ کی ٹاپ دو ٹیمیں سپر 8 مرحلے کے لیے ویسٹ انڈیز جائیں گی۔