جوبائیڈن اسرائیل اور لبنان کے درمیان کشیدگی پر نظر رکھے ہوئے ہیں، وائٹ ہاؤس

ویب ڈیسک

25th Aug, 2024. 12:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جوبائیڈن اسرائیل اور لبنان کے درمیان کشیدگی پر نظر رکھے ہوئے ہیں، وائٹ ہاؤس

وائٹ ہاؤس کی قومی سلامتی کونسل کے ترجمان شان سیویٹ کا کہنا ہے کہ امریکی صدر جو بائیڈن اسرائیل اور لبنان کے درمیان کشیدگی پر گہری نظر رکھے ہوئے ہیں۔

قومی سلامتی کونسل کے ترجمان شان سیویٹ نے اپنے ایک بیان میں کہا کہ امریکی صدر جوبائیڈن اپنی قومی سلامتی ٹیم کے ساتھ پوری شام مصروف رہے، ان کی ہدایت پر سینئر امریکی حکام اپنے اسرائیلی ہم منصبوں کے ساتھ مسلسل بات چیت کر رہے ہیں۔

انہوں نے کہا کہ ہم اسرائیل کے اپنے دفاع کے حق کی حمایت کرتے رہیں گے اور ہم علاقائی استحکام کے لیے کام کرتے رہیں گے۔

خبر ایجنسی کے مطابق اتوار کو ایک اسرائیلی اہلکار نے کہا کہ اسرائیل نے لبنان پر اپنے حملے کے بارے میں امریکا کو پیشگی اطلاع دے دی تھی۔

بعدازاں پینٹاگون نے کہا تھا کہ امریکی وزیر دفاع لائیڈ آسٹن نے اسرائیلی وزیر دفاع یوو گیلنٹ سے فون پر بات کی تاکہ لبنانی حزب اللہ کے حملوں کے خلاف اسرائیل کے دفاع پر تبادلہ خیال کیا جا سکے۔