ٹیلی گرام   میسجنگ ایپ پر اسرائیل کے خلاف حساس مواد کی شیئرنگ  کرنے کے الزام میں ایپ کے بانی  کو گرفتار کرلیا گیا۔

تفصیلات کے مطابق سماجی رابطے کی ویب سائٹ ٹیلی گرام کے بانی پاول دورو پر فرانسیسی حکومت نے 12 الزامات عائد کردیے۔

پاول دورو کو ہفتے کو آزربائیجان سے فرانس کے دارالحکومت پیرس پہنچنے پر گرفتار کرلیا گیا تھا۔ قانون کے تحت انہیں 28 اگست تک حراست میں رکھا جاسکتا ہے۔

فرانسیسی میڈیا کے مطابق پاول دورو کو 20 برس تک قید کا سامنا ہے، تاہم دورو کے معاون اور محافظ کو تفتیش کے بعد رہائی دے دی گئی۔

فرانسیسی حکومت نے یہ الزام مسترد کردیا ہے کہ سوشل میڈیا کی میسیجنگ ایپ ٹیلی گرام کے شریک بانی اور سی ای او پاول ڈیوروف کی گرفتاری جانب داری کا مظہر ہے۔

ابتدائی بیان بدلتے ہوئے وکلائے استغاثہ کا کہنا ہے کہ پاول ڈیوروف کو سائبر کرائمز کی تحقیقات کے سلسلے میں گرفتار کیا گیا ہے۔

وکلائے استغاثہ کا استدلال ہے کہ ٹیلی گرام کی انتظامیہ بچوں سے متعلق اخلاق سوز مواد کی شیئرنگ روکنے میں ناکام رہی جس کے باعث یہ کارروائی کرنا پڑی ہے۔

یاد رہے کہ دو دن قبل جب پاول ڈیوروف کو پیرس پہنچنے پر حراست میں لیا گیا تھا تب کہا گیا تھا کہ وہ اپنی میسیجنگ ایپ سے اسرائیل مخالف خفیہ مواد کی شیئرنگ نہیں روک رہے۔

اب فرانسیسی حکومت نے بیان بدل لیا ہے اور اسرائیلی حکومت کے دفاع کی کوشش شروع کردی ہے۔

روسی نژاد ارب پٹی ٹیک آئیکون کے پاس فرانس کی شہریت ہے۔

اُنہیں آذر بائیجان سے پرائیویٹ جیٹ میں واپسی پر گرفتار کیا گیا تھا۔

گرفتاری کی وجہ میں بتایا گیا تھا کہ پاول ڈیوروف کی میسیجنگ ایپ پر اسرائیل کے خلاف بہت بڑے پیمانے پر حساس مواد کی شیئرنگ کی جارہی ہے۔