سمندری طوفان یاگی نے ویتنام میں تباہی مچادی، 141 افراد جاں بحق

ویب ڈیسک

11th Sep, 2024. 12:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سمندری طوفان یاگی نے ویتنام میں تباہی مچادی، 141 افراد جاں بحق

طوفان 'ویفا' ویتنام سے ٹکرا گیا، فلپائن میں سیلاب سے 5 ہلاکتیں، ہزاروں بے گھر

سمندری طوفان یاگی نے ویتنام میں تباہی مچادی، 141 افراد جان گنوابیٹھے۔

بین الاقوامی خبررساں ادارے کے مطابق ایشیا میں رواں سال کے سب سے طاقتور سمندری طوفان یاگی کی شمالی ویتنام میں تباہ کاریاں جاری ہیں۔

مقامی انتظامیہ کا کہنا ہے کہ طوفان کی زد میں آکر 141 افراد ہلاک اور 750 زخمی جبکہ 59 لاپتہ ہو گئے ہیں۔

سمندری طوفان یاگی سے ویتنام میں زیادہ تر ہلاکتیں مٹی کے تودے گرنے اور سیلاب سے ہوئیں۔

شمالی ویتنام میں طوفان کے بعد تقریباً 15 لاکھ افراد بجلی سے محروم ہیں۔

ویتنام کے ساحلی علاقوں سے تقریباً 50 ہزار افراد کو نکال لیا گیا ہے۔

طوفان یاگی شمالی ویتنام کا 30 سال میں آنے والا سب سے طاقتور طوفان ہے، جو فلپائن اور چین میں تباہی مچانے کے بعد ہفتے کے روز ویتنام سے ٹکرایا تھا۔

سمندری طوفان یاگی سے چین اور فلپائن میں 24 افراد ہلاک ہوئے تھے۔