لبنان پر حملے کے بعد نیتن یاہو کی شہرت میں اضافہ، سروے رپورٹ

ویب ڈیسک

27th Sep, 2024. 05:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لبنان پر حملے کے بعد نیتن یاہو کی شہرت میں اضافہ، سروے رپورٹ

سروے رپورٹ کے مطابق لبنان پر حملے کے بعد نیتن یاہو کی پارٹی کی شہرت میں اضافہ ریکارڈ کیا گیا ہے۔

غیر ملکی خبر رساں ادارے کی رپورٹ کے مطابق اسرائیلی اخبار کی جانب سے کروائے سروے میں یہ دعویٰ سامنے آیا ہے کہ لبنان پر حملے نے نیتن یاہو کی پارٹی لیکوڈ کی شہرت میں نمایاں اضافہ کیا ہے۔

سروے رپورٹ کے مطابق اگر انتخابات کا انعقاد موجودہ وقت میں ہوتا ہے تو نیتن یاہو کی پارٹی لیکوڈ 25 نشستوں کے ساتھ برتری حاصل کرلے گی۔

رپورٹ میں بتایا گیا ہے کہ موجودہ وقت میں لیکوڈ کی حریف پارٹی نیشنل یونیٹی صرف 19 نشستیں ہی حاصل کرسکے گی۔

رپورٹ میں مزید کہا گیا ہے کہ گذشتہ سال غزہ میں شروع ہونے والی جنگ کے بعد یہ پہلا موقع ہے جب لیکوڈ کو اس طرح کا فائدہ حاصل ہوا ہے۔

یاد رہے کہ اسرائیل کی جانب سے لبنان پر وحشیانہ حملے جاری ہیں جب کہ تازہ ترین کارروائی میں 25 لبنانی شہید اور درجنوں زخمی ہوئے ہیں۔

دوسری جانب اسرائیل نے لبنان کی سرحد کے ساتھ اپنی فوج کو تعینات کردیا ہے جب کہ اسرائیل کے اعلیٰ فوجی کمانڈر نے اپنی فوج کو ممکنہ زمینی حملہ کرنے کے لیے تیار رہنے کی بھی ہدایت کردی ہے۔