امریکی فورسز کا حوثیوں کے 2 میزائل سسٹم تباہ کرنے کا دعویٰ

ویب ڈیسک

03rd Sep, 2024. 04:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکی فورسز کا حوثیوں کے 2 میزائل سسٹم تباہ کرنے کا دعویٰ

واشنگٹن: امریکی فورسز نے حوثیوں باغیوں کے 2 میزائل سسٹم کو تباہ کرنے کا دعویٰ کردیا۔

غیر ملکی خبر رساں ادارے کے مطابق امریکی سینٹرل کمانڈ کا کہنا ہے کہ امریکی فوجیوں نے یمن کے حوثیوں کے زیرِ کنٹرول علاقوں میں 2 میزائل سسٹمز پر کامیاب حملہ کیا تاہم حملے کی جگہ کا نام ظاہر نہیں کیا گیا ہے۔

امریکی سینٹرل کمانڈ کا کہنا تھا کہ باغی گروپ حوثیوں نے پاناما کے جھنڈے والے ایم وی بلیو لگون اور سعودی ملکیت والے ایم وی امجد جہاز پر 2 بیلسٹک میزائل اور 1 ڈرون داغا جس کی مذمت کرتے ہیں۔

امریکی سینٹرل کمانڈ کے مطابق حاثیوں نے خام تیل سے بھرے جہازوں کو نشانہ بنایا تھا جب کہ یہ حوثیوں کا گروپ امریکہ اور اس کی اتحادی افواج کے لیے خطرہ ہیں۔

دوسری جانب حوثی گروپ کی جانب سے اب تک کوئی تبصرہ سامنے نہیں آیا ہے تاہم اس سے قبل ایک بیان میں حوثی گروپ نے بلیو لگون آئل ٹینکر پر حملے کا اعتراف کیا تھا۔

واضح رہے کہ ایران کا حمایت یافتہ حوثی گروپ گذشتہ سال نومبر سے فلسطینیوں اور حماس کے ساتھ اظہار یکجہتی کے لیے بحیرہ احمر اور خلیج عدن میں اسرائیل سے تعلق رکھنے والے بحری جہازوں کو نشانہ بناتے ہوئے میزائل اور ڈرون حملے کر رہا ہے۔