ڈونلڈ ٹرمپ کا دوبارہ مباحثے سے انکار، کملا ہیرس نے چیلنج دے دیا
واشنگٹن: سابق امریکی صدر ڈونلڈ ٹرمپ نے کملا ہیرس سے دوبارہ مباحثے کے لیے انکار کردیا۔
غیر ملکی خبر رساں ادارے کی رپورٹ کے مطابق سابق امریکی صدر ڈونلڈ ٹرمپ کا کہنا ہے کہ ایک مباحثہ جوبائیڈن کے ساتھ دوسرا کملاہیرس کے ساتھ ہوا، اب کوئی تیسرا مباحثہ نہیں ہوگا۔
سابق امریکی صدر نے کہا کہ بنیاد پرست کملا ہیرس نے ہمارے ملک کو تباہ کردیا ہے، کملا ہیرس اور جوبائیڈن کی وجہ سے امریکہ میں مسائل پیدا ہوئے۔
دوسری جانب ڈیموکریٹک صدارتی امیدوارکملا ہیرس نے ٹرمپ کو ایک اور مباحثے کا چیلنج دیتے ہوئے کہا کہ امریکی ووٹرز چاہتے ہیں کہ ٹرمپ کے ساتھ ایک اور مباحثہ ہو۔
واضح رہے کہ 10 ستمبر کو ڈونلڈ ٹرمپ اور کملا ہیرس کے درمیان ہونے والے مباحثے میں دونوں رہنماؤں نے اپنی کامیابی کا دعویٰ کیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
