ڈھاکہ: روہنگیا سے ہجرت کرنے والوں کی تعداد میں اضافے کے بعد بنگلادیش کی مشکلات میں مزید اضافہ ہوگیا۔

غیر ملکی خبر رساں ادارے کی رپورٹ کے مطابق بنگلادیش میں شیخ حسینہ واجد کی حکومت کے خاتمے کے بعد نئی حکومت کی مشکلات میں اضافہ ہوگیا ہے۔

رپورٹ کے مطابق بنگلادیش کے خارجی امور کے مشیر محمد توحید حسین کا کہنا ہے کہ حالیہ دنوں میں 8 ہزار سے زائد روہنگیا سرحد پار کرکے بنگلادیش میں داخل ہوئے ہیں۔

محمد توحید حسین کے مطابق ہم انہیں روکنے میں ناکام ہیں جب کہ ان کی تعداد روز بروز بڑھتی جارہی ہے، یہ لوگ میانمار میں مسلح تصادم سے بچ کر ہمارے ملک میں داخل ہوئے ہیں۔

بنگلادیش کے خارجی امور کے مشیر نے بتایا کہ ہم اس بارے میں اگلے 2 سے 3 روز میں بحث کرنے جارہے ہیں جب کہ ہم نے انہیں پناہ دینے کا فیصلہ کیا ہے لیکن اس پر بات ہونا باقی ہے کہ انہیں کب تک رہنے دیا جائے گا یا پھر انہیں کس طرح نکالا جائے۔

محمد توحید حسین کہتے ہیں کہ ہمیں ان لوگوں کے ساتھ ہمدردی ہے لیکن ابھی ہمارے پاس اتنی صلاحیت نہیں کہ انہیں پناہ دے سکیں تاہم میانمار سے منسلک سرحد کو سیل کردیا گیا ہے لیکن سرحد کو مکمل طور پر محفوظ بنانے کے لیے مشکلات کا سامنا ہے۔

انہوں نے مزید کہا کہ اگلے دو روز میں فیصلہ کیا جائے گا کہ ان لوگوں سے کیسا نمٹا جائے تاہم ہم انہیں روکنے کی مکمل کوشش جاری ہے۔