اسرائیل پر ایرانی حملہ اسٹیٹ کا اسٹیٹ پر حملہ ہے، امریکی محکمہ خارجہ

ویب ڈیسک

02nd Oct, 2024. 10:35 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسرائیل پر ایرانی حملہ اسٹیٹ کا اسٹیٹ پر حملہ ہے، امریکی محکمہ خارجہ

امریکی محکمہ خارجہ کے ترجمان میتھیو ملر نے کہا ہے کہ ایران کا اسرائیل پربراہ راست حملہ اسٹیٹ کی طرف سے اسٹیٹ پر حملہ ہے اور اسرائیل کو اپنے دفاع کا حق حاصل ہے۔

واشنگٹن میں پریس کانفرنس کرتے ہوئے میتھیو ملر نے کہا کہ اسرائیل پر ایران کے میزائل حملے سے آگاہ ہیں، ایران نے اسرائیل پر تقریبا 200 میزائل فائر کیے، ان حملوں کے خلاف اسرائیل کے ساتھ کھڑے ہیں۔

انہوں نے کہا کہ ایران نے اسرائیل پر حملے سے پہلے امریکہ کو آگاہ نہیں کیا، حملوں کے دوران اور بعد میں امریکہ اسرائیل سے رابطے میں ہے، صورتحال کا جائزہ لے رہے ہیں، اتحادیوں کے ساتھ بھی بات چیت کر رہے ہیں۔

ترجمان امریکی محکمہ خارجہ میتھیو ملر نے پریس بریفنگ کے دوران کہا کہ ایران کے میزائل حملوں کو روکنے کیلئے امریکہ نے اسرائیل کی مدد کی، ایرانی حملے میں امریکی تنصیبات محفوظ ہیں۔

میتھیو ملر نے کہا کہ ایران سالوں سے دہشتگرد گروہوں کی سرپرستی کرتا رہا ہے، حماس مذاکرات کی میز پر نہیں آرہا تھا، حماس کے مذاکرات پر راضی نہ ہونے کی وجہ سے سیز فائر نہیں ہوسکا۔