اسرائیل پر حملے کے بعد ایران میں فضائی آپریشن بحال

ویب ڈیسک

03rd Oct, 2024. 02:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسرائیل پر حملے کے بعد ایران میں فضائی آپریشن بحال

ایران نے اسرائیل پر میزائل حملے کے بعد معطل ہونے والے فضائی آپریشن کو بحال کردیا ہے۔

غیر ملکی خبر رساں ادارے کی رپورٹ کے مطابق ایران میں جمعرات کی صبح تک تمام اندرون ملک اور بین الاقوامی پروازیں معطل تھیں جن کو اب بحال کردیا گیا ہے۔

ایران کی سول ایوی ایشن آرگنائزیشن کے ترجمان جعفر یزرلو نے پروازیں دوبارہ شروع کرنے کی تصدیق کرتے ہوئے کہا کہ حالات کا جائزہ لینے کے بعد پروازیں بحال کرنے کا فیصلہ کیا تاہم اب تمام ایئرلائنز کو فضائی آپریشن کی اجازت ہے۔

دوسری جانب یورپی یونین ایوی ایشن سیفٹی ایجنسی نے یورپی ایئرلائنز کو مشورہ دیا ہے کہ ابھی صورت حال کا جائزہ لیا جارہا ہے تاہم 31 اکتوبر تک ایرانی فضائی حدود سے گریز کریں۔

خیال رہے کہ منگل کی شب ایران نے اسرائیل پر براہ راست 200 کے قریب میزائل داغے تھے جن میں بیلسٹک میزائل سمیت ہائپر سونگ میزائل شامل تھے۔

ایران نے 90 فیصد میزائل کے کامیابی سے ہدف کو نشانہ بنانے کا دعویٰ کیا ہے جب کہ اسرائیل نے جوابی کارروائی کی دھمکی بھی دے رکھی ہے۔