شمالی غزہ میں اسرائیلی محاصرہ جاری، 770 فلسطینی شہید

ویب ڈیسک

24th Oct, 2024. 07:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شمالی غزہ میں اسرائیلی محاصرہ جاری، 770 فلسطینی شہید

شمالی غزہ میں 20 روز سے جاری اسرائیلی محاصرے کے نتیجے میں 770 فلسطینی شہید ہوگئے۔

غیر ملکی خبر رساں ادارے کی رپورٹ کے مطابق اسرائیل کی جانب سے غزہ میں نسل کشی کا سلسلہ جاری ہے جب کہ شمالی غزہ میں اسرائیلی محاصرے کو 20 روز مکمل ہوگئے ہیں۔

شمالی غزہ میں 20 روز سے جاری اسرائیلی محاصرے کے نتیجے میں 770 فلسطینی شہید جب کہ ایک ہزار سے زائد زخمی ہوگئے ہیں۔

جبالیہ پناہ گزین کیمپ پر بمباری سے 31 فلسطینی شہید ہوئے جب کہ گذشتہ 24 گھنٹوں کے دوران مزید 55 فلسطینی شہید ہوئے۔

دوسری جانب مغربی کنارے میں اسرائیلی فورسز کے چھاپے جاری ہیں اور اس دوران متعدد فلسطینیوں کو گرفتار کیا جاچکا ہے۔

واضح رہے کہ غزہ میں جاری جنگ کے نتیجے میں اب تک شہداء کی مجموعی تعداد 42 ہزار 847 ہوگئی اور ایک لاکھ 5 ہزار سے زاید فلسطینی زخمی ہیں۔