اسرائیلی فورسز نے غزہ میں بھوک کو جنگی ہتھیارکےطور پر استعمال کرناشروع کردیا ہے۔

غزہ میں بھوک اور افلاس کے شکار33فلسطینی شہیدہوگئے، جبکہ شمالی غزہ میں اسرائیلی گولہ باری سے 10 فلسطینی شہید ہوگئے ہیں۔

اسرائیلی فوج  نے کمال عدوان اسپتال پر فضائی حملہ کیا جس میں متعدد بچے شدید زخمی ہو گئے ہیں۔

یواین فوڈایجنسی نےخوراک اورامدادی سامان کی سپلائی میں رکاوٹ پر قحط سے خبردار کردیا غزہ میں شہیداکی مجموعی تعداد 43 ہزار 374 ہوگئی ہے، جبکہ ایک لاکھ 2 ہزار 261 فلسطینی زخمی ہوگئے ہیں۔

دوسری جانب لبنان پر اسرائیلی فضائی حملے بھی جاری ہے، جس میں 16 افرادشہید، 90 زخمی ہوگئے ہیں۔

اسرائیل نے جنوبی لبنان کے سرحدی گاؤں میس الجبل پر بمباری کی جس کے نتیجے میں کئی گھر تباہ ہوگئے، اسرائیل نے 1 ماہ میں جنوبی لبنان میں 7 دیہات تباہ کردیئے، اس کے علاوہ اسرائیل نے شام پر بھی بمباری کی، اور دمشق کے قریبی علاقے جرامنہ کو نشانہ بنایا۔

اسرائیل نے شام میں حزب اللہ کے انٹیلی جنس ہیڈکوارٹر پر حملہ کرنےکادعویٰ کیا ہے، حزب اللہ کی جوابی کاروائی،گولان کی پہاڑیوں میں اسرائیلی بستیوں پرراکٹ حملے، جبکہ حزب اللہ نے شمالی اسرائیل میں ہشاہر کےعلاقے پر بھی کئی راکٹ داغ دیئے۔

لبنان پراسرائیلی حملوں میں 3 ہزار سے زائد افراد شہید،13 ہزار 492 زخمی ہوئے ہیں۔