اسرائیلی فوج کےغزہ میں مظلوم فلسطینی پناہ گزینوں پرحملےجاری

اسرائیلی فوج کے غزہ میں مظلوم فلسطینی پناہ گزینوں پرحملےجاری

ویب ڈیسک

08th Nov, 2024. 02:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسرائیلی فوج کے غزہ میں مظلوم فلسطینی پناہ گزینوں پرحملےجاری

اسرائیلی فوج کےغزہ میں مظلوم فلسطینی پناہ گزینوں پرحملے جاری ہیں۔

اسرائیل کے غزہ پر وحشیانہ حملوں میں مزید 50 فلسطینی شہید ہوگئے ہیں، شمالی غزہ پر اسرائیلی حملوں میں 42 فلسطینی شہید اور متعدد زخمی ہوگئے، اس کے علاوہ الشطی پناہ گزین کیمپ پر اسرائیلی فضائیہ کی بمباری سے 12 افراد شہید ہوگئے، جبکہ شہید ہونے والوں میں بڑی تعداد خواتین اور بچوں کی ہے۔

صہیونی فورسز نے کمال عدوان اسپتال پرپھر دھاوا ، جبکہ غزہ کی شمالی پٹی میں 19 فلسطینی صہیونی بربریت کانشانہ بنے، اس کے علاوہ گولہ باری سے وسطی جبالیہ میں 4، مغربی جبالیہ اور بیت لاہیہ میں 12 فلسطینی شہید ہوگئے، اسرائیلی فورسز کی رفح میں گولہ باری اور بوبریج کے علاقوں میں فائرنگ سے 6 افراد شہید ہوگئے ہیں، غزہ میں شہداکی مجموعی تعداد 43 ہزار 469 ہوگئی، ایک لاکھ 25 ہزار 61 زخمی ہوگئے ہیں۔

دوسری جانب لبنان میں اسرائیلی حملوں میں 53 افراد شہید اور درجنوں زخمی ہوگئے ہیں۔

اسرائیلی فضائیہ نے بیروت اور جنوبی لبنان کے علاقوں کو نشانہ بنایا جبکہ سیدان شہر میں گھر پر فضائی حملے میں 3 افراد شہید اور متعد دزخمی ہوگئے ہیں، اس کے علاوہ اسرائیل کا اقوام متحدہ کی امن فوج پر پھر حملہ، ملائیشیا کے 6 فوجی زخمی ہوگئے ہیں۔