سعودی عرب کی شمالی غزہ میں اسکول پر اسرائیلی حملے کی مذمت

ویب ڈیسک

18th Nov, 2024. 04:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی عرب کی شمالی غزہ میں اسکول پر اسرائیلی حملے کی مذمت

ریاض: سعودی عرب نے شمالی غزہ میں بے گھر افراد پر مشتمل اسکول پر بمباری کی شدید الفاظ میں مذمت کردی۔

عرب میڈیا کے مطابق سعودی عرب کی وزارت خارجہ نے قابض اسرائیلی فوج کی جانب سے شمالی غزہ کے علاقے بیت لاھیا میں بے گھر افراد پر مشتمل اسکول پر بمباری کی شدید الفاظ میں مذمت کی ہے۔

سعودی عرب کی وزارت خارجہ کی طرف سے جاری ایک پریس بیان میں کہا گیا ہے کہ فلسطینی پناہ گزینوں کی ریلیف اینڈ ورکس ایجنسی کے زیراہتمام چلنے والے اسکول پر ابو عاصی پر بمباری اور شہری آبادی کے زیراستعمال تنصیبات کو نشانہ بنانے کی سخت ترین الفاظ میں مذمت کرتے ہیں۔

مملکت نے بین الاقوامی برادری کی خاموشی پر تنقید کرتے ہوئے عالمی اداروں اور عالمی برادری پر زور دیا کہ وہ قابض اسرائیل کو شہریوں، امدادی اور انسانی ہمدردی کے اداروں کو مسلسل نشانہ بنانے کے حوالے سے دو ٹوک موقف اختیار کرے اور اسرائیلی ریاست کی نہتے فلسطینیوں کے قتل عام کی روک تھام کے لیے اپنا کردار ادا کریں۔

واضح رہے کہ گذشتہ روز شمالی غزہ میں ابو عاصی اسکول پر اسرائیلی فوج کی بمباری کے نتیجے میں 70 سے زیادہ فلسطینی شہید اور درجنوں زخمی ہوگئے تھے۔